اعترافات سائق أوبر في واقعة فتاة الشروق: رشيت برفان عشان ريحة السجاير وكنت على سرعة 100 كم | خاص
حصل القاهرة 24 على نص اعترافات سائق أوبر المتهم بمحاولة اختطاف حبيبة الشماع فتاة الشروق والتسبب في بث الرعب في نفسها، وإلقائها لنفسها من سيارته، وتعرضها للإصابة بنزيف داخلي وكسور وغيبوبة كاملة، مكثت على إثرها في المستشفى.
اعترافات سائق أوبر في واقعة فتاة الشروق
وقال سائق أوبر أمام جهات التحقيق: اللي حصل اني شغال سائق خاص عند دكتور في منطقة التجمع الأول، وبعد الدكتور طلب مني أوصله مستشفى عشان يزور حماه، وقالي روح انت النهاردة بدري ساعتين، فشغلت تطبيق أوبر وقولت اشتغل الساعتين دول، وجالي ريكويست من حبيبة الشماع، بنت في التجمع الأول وعاوزة تروح التجمع الخامس، فقبلت الطلب وركبت معايا العربية، وقعدت في الكنبة اللي ورا.
أضاف سائق أوبر في واقعة فتاة الشروق، أنا كنت مولع سيجارة وكنت بطفي السجاير في طفاية العربية، عشان كده كان في ريحة دخان، ففتحت الشباك عشان الريحة فحسيت بالبرد، فقفلته تاني، فكانت ريحة الدخان لسه موجودة، عشان كده استخدمت زجاجة برفان اشتريتها من واحد بتاع منظفات فاتح جنبي في منطقة البراجيل، والبنت لما شافتني برش برفان خافت مني وكلمت مامتها.
وجاء في اعترافات سائق أوبر المتهمة في واقعة إصابة حبيبة الشماع المعروفة بـ فتاة أوبر، البنت وهي بتكلم مامتها كنت انا مشغل الكاسيت وكان صوته عالي جدا، فهي زعقت فيا جامد وقالتلي وطي الكاسيت، فأنا قولتلها حاضر هوطيه ومكنتش سامعك، لقيتها فتحت الباب ورمت نفسها وأنا كنت سايق على سرعة 100 بطريق السويس.
وألقت الأجهزة الأمنية القبض على سائق أوبر المتهم بالتسبب في إصابة حبيبة الشماع فتاة أوبر، وقررت جهات التحقيق حبسه 4 أيام على ذمة التحقيقات، وما زالت حبيبة ترقد بالمستشفى فاقدة الوعي ولم يتم استجوابها حتى الآن.
