مسلم يرد على منتقدي خطبته بعد طلاقه بشهرين فقط: معملتش حاجة في الحرام
رد مطرب المهرجانات مسلم على منتقدي حفل خطوبته، وذلك بعد طلاقه بشهرين فقط، حيث انفصل عن البلوجر ميكا البغدادي، مشيرًا إلى أن الجمهور لا يعرف سبب الانفصال بينهما ويكن له كامل الاحترام.
وتحدث مسلم خلال فيديو عبر صفحته الرسميه بموقع تبادل الصور والفيديوهات انستجرام قائلًا: الناس قلبت عليا السوشيال ميديا، معقبًا: ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا.
وتابع مسلم حديثه: أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللى جو البيت بيدور أيه أو اللى جوه الحياة بيبقى عامل ازاى ومحدش يعرف ده عامل إيه وأنا مش بحب أتكلم عن حياتي وبيتي.
مسلم عن ميكا البغدادي: أنا لو طلعت أتكلم عنها أبقى مش راجل
وأضاف مسلم: أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.
طلاق مسلم وميكا البغدادي
سبق وأعلن مسلم طلاقه عن ميكا البغدادي في شهر ديسمبر الماضي عبر حسابه الشخصي على موقع تبادل الصور والفيديوهات إنستجرام، إذ كتب: الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا إني راعيت الله فيها وتمسكت ببيتي أكثر من مرة
