إنتي فقيرة عشان مش معاكي عربية.. بلوجر تستغيث من تعرض شقيقتها للتنمر في الجامعة
نشرت البلوجر لوجي أحمد فيديو عبر حسابها الشخصي على منصة تداول الفيديوهات تيك توك، وصفت فيه الأشخاص المُتنمرين على شقيقتها بأنهم مرضى نفسيون، بسبب تنمرهم عليها لأنها لا تمتلك سيارتها الخاصة.
بلوجر تشارك التنمر على شقيقتها
وظهرت لوجي أحمد عبر الفيديو مُتعجبة من هذه السلوكيات المتداولة بين الشباب بالإهانة والتنمر، مع اعتبارهم أن هذه السلوكيات قد تكون وصفا شائعا وليست إهانة أو أحد أنواع التنمر والتقليل من الشأن.
وقالت لوجي خلال هذا المقطع: أنا بقالي 3 سنين في جامعة..عمري ما شوفت حجم التفاهة دي، موضحة أن ما تعرضت له شقيقتها من مُضايقات أو إهانات هو أحد أشكال الأمراض النفسية ولابد من العلاج منها على وجه السرعة.
بلوجر: مش بالمظاهر
وتابعت لوجي: أنا أختي في كلية طب أسنان سنة أولى، وواحدة في الجامعة بتقولها إنتي فقيرة عشان مش معاكي عربية.. لما الناس تهين بعض بالكلام لازم تتعالج، مُعلقة على الإهانة بين الشباب من خلال تعليقاتهم على المظاهر والملابس والماديات، قائلة: لما نهين بعض بـ معاك وما معاكش ده غلط.
وعقبت أيضًا: هي مش بتتحسب بعربية ولا تليفون.. شكل.. شعر.. لون، مما دفعها لتوضيح الأمر عما يفعلونه الشباب بينهم وبين بعض خلال ممارسة التنمر بالتعليقات السلبية على المظاهر.
وأضافت: وصف الفقير ما يتقلش غير في حالة واحدة..الجهل بالمعلومات.. لما يكون الشخص فقير علم وثقافة ومعلومات، إنما الشخص لما يكون مش معاه فلوس وتيجي تعلق وتقول إنه فقير.. لأ هنا أنت اللي فقير عشان ناقصك علم وناقصك علاج نفسي..وده مش عيب.
تعليقات رواد السوشيال ميديا
وأثار الفيديو تعاطفا كثيرا من متابعي حساب لوجي أحمد على منصة التيك توك، وعلق أحد المتابعين قائلًا: أي حد بيحسبها كده فهو قيمته بس في الحاجة دي، لو أخذتها منه هيكون بلا قيمة وبالتالي وهو معاه الحاجات دي ما زال بلا قيمة، وعقب مُتابع آخر: ده شخص عنده نقص وبيعوض نقصه بالحاجة دي زي الناس اللي كل شخصيتها إنها بتلبس براندات ليه ممكن إنسان يخلي دي كل شخصيته غير لأنه حاسس بقد ايه هو شخص فاضي.
وحذرت متابعة أخرى: ده نقص واللي يقول كده مش متربي أصلًا وجاهل فعلًا..يا لوچي وهي أكيد هتقابل ناس وحشة كتير كدة فا تاخد بالها هي بتصاحب مين وبتتعرف على مين، ومتابع آخر يقول: أنا فقير ومديون وعادي..ربنا كاتبلي كدة وبسعي وبحاول وربنا يكرمني إن شاء الله ويسدد ما عليا.
