محمود حميدة: عملت مجلة تعليمية عن الفن.. وجالي إعلانات ويسكي وسجاير ورفضتها
تحدث الفنان محمود حميدة عن إنشائه مجلة تعليمية عن الفن والصناعة، وعن سبب عدم إنتاجه لأعمال فنية.
وقال محمود حميدة خلال ندوته بالمؤتمر العلمي الدولي بمعهد النقد الفني: عملت مجلة تعليمية عن الفن، قلتلهم عايز مجلة عن الصناعة أتكلم فيها عن مكونات الفيلم وفيه نقد الفيلم وتحليله، ومفيش خصومة مع حد ولا معارك.
وأضاف حميدة: ولما اتعرض عليا إعلانات في المجلة بفلوس كتير وقالولي عايزين نعمل إعلان واحد ويسكي وواحد سجاير قصاد 40 ألف دولار، رفضت عشان دي مطبوعة تعليمية.
محمود حميدة: اتعرض عليا أنتج ورفضت.. وأنا ممثل فقط
وعن إمكانيه إنتاجه لأعمال فنية، أوضح محمود حميدة: لما اتعرض عليا أنتج قلت لأ مش هنتج أنا بؤمن بالتخصص وأنا ممثل فقط، وكنت مهتم بالأفلام وبهتم بالتتر الأخير وأشوف أسماء منتجين مش في الفيلم.
واستكمل حميدة حديثه: عرفت من هنا أن الصناع الكبار بتوع السينما زي المخرج والسيناريو لا بد أن يكونوا ضالعين في المهنة عشان اللي بيطلب آلة جديدة هو المخرج أو مدير التصوير، ومفيش حد بييجي من برا يدينا ده، وبعدين أدركت أن نهوض الفن يكون باشتراك ذوي الخبرة من الفنانين في عملية الإنتاج، فعملت شركة إنتاج.
