طليقة مسلم تخرج عن صمتها وتكشف سبب انفصالهما: بقاله سنة ونص على علاقة بواحدة تانية
كشفت ميكا البغدادي طليقة مطرب المهرجانات مسلم، سبب انفصالها عن الأخير منذ أشهر قليلة.
ونشرت ميكا عبر حسابها الشخصي على موقع تبادل الصور والفيديوهات إنستجرام، فيديو خرجت فيه عن صمتها وكشفت السبب الحقيقي وراء طلبها الطلاق من مسلم رغم إنجابها طفلا، مؤكدة أن السبب يرجع لخيانته لها خلال عام ونصف، وعلقت على الفيديو: رد على كل كلمة اتقالت في حقي.
وقالت ميكا البغدادي طليقة مسلم في الفيديو: أنا اللي طلبت الطلاق لأنه بقاله سنة ونص على علاقة بواحدة تانية وأنا محترمة أن بينا ولد، واللي شوفته معاه مش قليل، وهو عايز يستعطف الناس علشان هاجموه، وبشأن خطوبته بعد انفصالهما، عقبت ميكا البغدادي: فرحت له لما عرفت أنه هيخطب.
مسلم يرد على انتقاد الجمهور خطوبته بعد انفصاله بشهرين
من جهة أخرى، تحدث مسلم خلال فيديو عبر صفحته الرسمية بموقع تبادل الصور والفيديوهات إنستجرام قائلًا: الناس قلبت عليا السوشيال ميديا، معقبًا: ومعلش يعني أنا روحت خطبت عشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا.
وأضاف مسلم: أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللي جو البيت بيدور أيه أو اللي جوه الحياة بيبقى عامل إزاي ومحدش يعرف ده عامل إيه وأنا مش بحب أتكلم عن حياتي وبيتي.
