عم طالب الدقهلية في التحقيقات: جرينا على قرية النقعة ولقينا الجزء السفلي لإيهاب في شكارة بالمصرف
كشفت التحقيقات في قضية مقتل إيهاب أشرف طالب الدقهلية، تفاصيل جديدة عن الواقعة، حوتها أقوال عم الطالب الضحية.
الطالب إيهاب أشرف
ويستكمل القاهرة 24 نشر أقوال شقيق والد الطالب إيهاب الذي لقي مصرعه على يد مدرس الفيزياء، المتهم بقتله، وتقطيع جثته إلى 3 أجزاء ومساومة أهله وطلب فدية 100 ألف جنيه.
وقال شقيق والد الطالب إيهاب أشرف: المسافة ما بين البيت بتاع اخويا ومكان العثور على الجثمان حوالي اثنين كيلو متر تقريبًا، وبسؤاله هل من ثمة كاميرات مراقبة بمحيط أي من تلك الأماكن، أجاب أيوة فيه بعض كاميرات في الطريق، وتابع: احنا مراجعناش الكاميرات وموصلناش لحاجة، وبسؤاله عن تردد إيهاب رفقة أحد الأشخاص على أي من الأماكن غير المذكورة، قال هو بيروح يلعب سكيت في قرية المركزية أو النقعة.
وتابع: أنا وابوه روحنا ندور عليه واته لنا بالمباحث عشان تبلغ عن غيابه، وكنت بدور عليه لقيت الناس بتجري ناحية قرية النقعة وسألت فيه ايه فقالوا ان هما لقوا حاجة في المصرف ولما فتحناه لقينا نفس اللبس والجزمه اللي كان لابسها، فروحت والناس اللي كانت معايا عشان نشوف في ايه لقينا الجزء السفلي ده في شكارة ومرمي على المصرف ولما فتحناه لقينا نفس اللبس والجزمة اللي كان لابسها.
وبسؤاله عن هل يمكنه الوقوف على كون الجزء السفلي المعثور عليه خاص نجل شقيقه المتغيب عن المنزل، قال: أيوة هو لابن اخويا إيهاب، أيوة شوفته، لان اللبس اللي كان لابسه هو نفس اللبس اللي موجود مع الجزء المعثور عليه وكمان مواصفات الجثمان نفس مواصفات جثمان ابن اخويا وابوه لما شافه اتعرف على لبسه واتعرف عليه.
وبسؤاله عن هل تنطبق تلك المواصفات الواردة بالجزء السفلي المعثور عليه مع نجل شقيقه المتغيب، قال: أيوة، واتعرفت عليه من لبسه عشان انا اتاكدت بنفسي ان هو لابن اخويا إيهاب وابوه لما شافه اتعرف عليه، وبسؤاله هل توجد علاقة أو خلافات فيما بين نجل شقيقه المتغيب وبين أي من الأشخاص، قال لا، وفسر سبب تغيب الطالب إيهاب أشرف، ذكر: أنا بشك في أن اللي عمل كدة هو اللي رد علي التليفون لما خالته كانت بتحاول ترن عليه ووطلب مننا 100 ألف جنيه.
وبسؤاله عن مرتكب الواقعة، قال: لا انا معرفوش، وقال إنه يوجد خلافات بينهم وبين أحد الأشخاص وقال إنه طبيعة تلك الخلافات تحديدًا بين اخويا وبين واحدة اسمها خيرية أحمد يحي وبنتها ازهار، وعلاقتنا بيها هي كانت جارت اخويا وهو اشتري منها بيت وحصل ما بينهم نزاع على تسليم البيت وكان بينهم قضايا في المحكمة واخد عليها حكم بتسليم البيت في 2023/12/27، لكن انا مقدرش اتهم حد بحاجه ولا احدد مين اللي عمل كده، وقال إنه دار بينه وبين نجل شقيقه اتصال اتاخر في الرجوع من الدرس ومحدش رد عليا.
