طارق صبري عن إمكانية ظهوره مع رامز جلال: مش متخيل رد فعلي
كشف الفنان طارق صبري، موقفه من إمكانية ظهوره مع الفنان رامز جلال في برنامجه الرمضاني المقبل، بجانب حديثه عن المسلسلات التي سيتابعها ضمن موسم رمضان 2024
وقال طارق صبري في تصريح خاص لـ القاهرة 24: مش متوقع رد فعلي هيكون إزاي لو مكنتش عارف قبلها، وهيكون على حسب المقلب، وممكن يبقى رد فعلى عصبي.
وعن المسلسلات الرمضانية التي سيشاهدها هذا العام، أضاف: موسم رمضان السنادي مهم جدًا وبيشارك فيه مجموعة بين نجوم وفنانين كبار، وعجبني كل المسلسلات اللي نزلت، بس أنا متحمس من البداية أني أتفرج على مسلسل الحشاشين.
طارق صبري عن أدوار الخيانة: مش بكون قاصد
وفي سياق آخر، تحدث طارق صبري عن نقطة انحصاره في أدوار الخيانة بعد تقديمه عملين من نفس النوع.
وقال طارق صبري في تصريح خاص لـ القاهرة 24: مش بكون قاصد الصدفة لعبت إن اتعرض لي عملين ورا بعض بدور الخائن، وأنا في مسلسل حدوتة منسية لما قرأت الورق كنت زيي زي الجمهور حابب أشوف إي الجديد في الشخصية، بس لقيت إن شخصية يوسف مستفزة شوية عن الشخصيات اللى قدمتها.
وأضاف طارق صبري حديثه: شخصية يوسف نالت إعجاب الجمهور لأن أي حاجة زي الخيانة والغدر لما بتتقدم في عمل فني بين الرجل والست الجمهور بيتفاعل معاهم، ودي كانت مهمة في المسلسل.
