شاهدة عيان على واقعة الاعتداء على نجل سامي مغاوري في هايبر ماركت شهير: هو اللي غلطان
كشفت إحدى شهود العيان على واقعة الاعتداء على زوجة ونجل الفنان سامي مغاوري داخل هايبر ماركت شهير، بسبب إخفائه للسكر عن المواطنين، تفاصيل جديدة في الواقعة.
تفاصيل الاعتداء على نجل سامي مغاوري
وقالت إحدى شهود العيان على الواقعة عبر صفحتها على موقع التواصل الاجتماعي فيس بوك: الساكت عن الحق شيطان أخرس والكلام اللي مكتوب كذب، أنا كنت موجودة وشوفت الواقعة من بدايتها ابن سامي مغاوري راح للأمن فعلًا وقاله إن الكاشير مخبي السكر الأمن معرفش يرد عليه لأنه مش مسؤول عن حاجة زي كده وقاله معرفش ومشي.
وأضافت: ابن سامي مغاوري زعق وقاله أنت إزاي تسيبني وتمشي وهنا الأمن رد عليه وقاله أنا مسمحلكش تتكلم معايا بالطريقة دي فابن سامي مغاوري قاله أنا اضربك أنت واللي مشغلك بالجزمة، فالأمن ضربه بالفانوس على رأسه ومشي، طبعًا ابن سامي مغاوري اتعصب أكتر وبدأ يقول ألفاظ وحشة جدًا هو ووالدته اللي لا كانت بتنزف ولا الأمن اعتدى عليها أصلًا وبعد انتهاء المشكلة هو ووالدته كانوا واقفين في باركينج وكانت كويسة جدًا ليه الافتراء وأنت أصلا غلطان وأسلوبك وحش وللعلم الجاردات والأمن اتعاملوا معاه بمنتهى الاحترام ومشوفتش أي بلطجة.
