مها الصغير: اتعرضت للتنمر لأن بابا كوافير.. والشعب الفلسطيني علمنا عزة النفس
كشفت الإعلامية مها الصغير، عن تعرضها للتنمر في صِغرها بسبب مهنة والدها الراحل وهي مصفف الشعر الشهير محمد الصغير، بجانب حديثها عن أحداث فلسطين وأهالي غزة.
وقالت مها الصغير في تصريحات تلفزيونية: كنت بتعرض للتنمر وأنا صغيرة بسبب أن بابا كوافير، وبنصح الأطفال والمراهقين أنهم يتكلموا لو تعرضوا للتنمر، يحكوا لحد يساعدهم علشان التجربة متأثرش بالسلب وتعمل صدمة نفسية.
وتابعت: مؤخرًا في علاقات كتير بتفشل فشل ذريع وحالات الطلاق بنسبة عالية جدًا، وفي عدم مسئولية من ناحية الرجالة والستات، فأكيد الإعلام دايمًا بيشوف اللي بيحصل في الحياة الاجتماعية ونقول كلام يفيد الناس.
أما عن القضية الفلسطينية، فعلقت مها الصغير قائلة: أحداث فلسطين غيرت فيا كل حاجة ونظرتي للدنيا ولأطفالي وعايزة أعمل إيه، وأهم حاجة كنت أعرف ولادي الحقيقة لأنهم متعرضين لأخبار مش مظبوطة على السوشيال ميديا، والولاد بقى عندهم وعي شديد بالقضية الفلسطينية وبيشاركوا بجد في عمل إنساني الحمد لله
وأضافت مها الصغير: لما باجي أشوف طفل صغير مش معدي الـ 10 سنين بيقولوا أنهم هيفضلوا في أرضهم والأهالي اللي مستعدة تضحي علمونا عزة النفس والكرامة والوطنية، وشوفنا معجزات من 7 أكتوبر لغاية دلوقتي.
مها الصغير: أحمد السقا صور مسلسل جولة أخيرة والكلى شغالة بنسبة 20%
كما كشفت الإعلامية مها الصغير، عن تعرض زوجها الفنان أحمد السقا، لوعكة صحية خلال تصوير مسلسل جولة أخيرة، قائلة: أحمد السقا كان تبعان صحيًا أوي وقت تصوير مسلسل جولة أخيرة، علشان كده كان وشه تعبان أوي وعينيه كانت صفراء وكان هزيل جسمانيًا، وكان عنده حصاوي وشال المرارة بعد المسلسل على طول، والكلى كانت شغالة بنسبة 20 أو 30%.
