نجوى إبراهيم: رمضان بيفكرني بالعريس والعروسة هي المعدة.. ليه بنجيب خزين مهول؟
تحدثت الإعلامية نجوى إبراهيم، عن تحضيرات شهر رمضان، بجانب تقديمها نصيحة للأزواج لحل مشكلة الإفطار في رمضان لدى والدتهم أم حماتهم.
وقالت نجوى إبراهيم، في برنامجها بيت العز، المذاع عبر محطة نجوم FM: رمضان ده بيفكرني لما يبقى في أم وأب بيجهزوا ابنهم العريس والعروسة معدتنا، والمخ كله بيتشغل على المعدة في رمضان، والناس بتنزل تجيب حاجات مهولة، ليه ده كل؟ ما المعدة دي ممكن تزعل، أنا بمشي عادي ومبنزلش ألم العروض، المعدة متعرفش العروض.
أما عن نصيحتها للأزواج لحل مشكلة الإفطار في رمضان، قائلة: خناقة هنفطر عند والدتي ولا حماتي، أنت بقى تجيب والدته ووالدتها ويتجمعوا عندك علشان تتفادى الخناقة، لم الدور وهات أمك على أمها وأقعدوا مع بعض في هنا وسرور.
نجوى إبراهيم تعلن تعافيها من السرطان
وعلى جانب آخر، سبق وأن أعلنت الإعلامية نجوى إبراهيم تعافيها من مرض السرطان، إذ قالت في برنامجها بيت العز: فرحانة ومبسوطة الحمدلله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهارده لسة وجه جديد معاكم.
وأضافت: أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد.
