أحمد فوزي صالح بعد ظهور نجله في مسلسل بطن الحوت: أبوه مخرج وأمه منتجة وجده محمود حميدة
كشف المخرج والمؤلف أحمد فوزي صالح، سبب اختياره ابنه الصغير للمشاركة في مسلسله بطن الحوت، الذي عرض مؤخرًا بطولة الفنان محمد فراج وباسم سمرة.
وقال أحمد فوزي صالح في لقائه مع القاهرة 24: ما اختارتوش لأنه ابني، هو واحد زيه زي أي حد عاوز يمثل وعنده موهبة، بعيد عن كونه ابني، هل مناسب للدور ولا لأ، عمله كويس ولا لأ، وأنا مش خايف عليه من التمثيل، لأن أبوه مخرج وأمه منتجة وجده محمود حميدة ممثل، فالبيئة المحيطة بيه كلها كده، فهو اللي يختار وربما لما يكبر يقول لأ، فالاختيار يرجع له.
في سياق آخر، تحدث أحمد فوزي صالح عن تعاونه مع الفنان محمد فراج قائلًا: موهبة كبيرة وربنا يزيده من نجاح لنجاح وأتمنى له كل خير، ودايما موفق مفيش حد بياخد حاجة ميستحقهاش، وفيه عدالة حاصلة وكل شخص بياخد حقه في النجومية والبطولة والنجاح، وفراج شديد الموهبة والإخلاص لعمله وبيحب اللي بيعمله جدًا.
على جانب آخر، تحدث أحمد فوزي صالح عن أزمة مسلسل بطن الحوت، مشيرًا إلى أن هذا لا يفرق مع العمل الفني ولا يتأثر بما يحدث من مشاكل وأزمات، إذ قال: العمل الفني سيبقى بعيدًا عن الخلافات، وبعد 10 سنين يبقى العمل الفني، وليس ما أثير حوله أو حول ممثل أو ممثلة من أزمات ومشاكل حدثت في لوكيشن تصوير.
وأضاف أحمد فوزي صالح عن مشاركة فنانين غير نقابيين في المسلسل: هناك عشرات من الممثلين في هذا العمل، وأنا لا أحسب الأعداد، ولكن شارك في العمل طلبة في المعهد العالي في الفنون المسرحية مثل زينب غريب وعزيز علي وفهد جمعة، وهل المقصود الناس اللي بتعدي تقول كلمة واتنين؟ هل المفروض اختارهم نقابيين! في الحقيقة هما بيرفضوا يشاركوا في مشهد صامت، ومحدش يقدر يجبر حد يعمل حاجة مش على هواه، لأن دي معضلة صعبة.
