طارق لطفي عن دوره في العتاولة: أول مرة أعمل شعبي وأنا والسقا اخوات داخل الحدوتة
كشف الفنان طارق لطفي، دوره في مسلسل العتاولة بطولة الفنان أحمد السقا، والمقرر عرضه في السباق الرمضاني المقبل 2024.
دور طارق لطفي في العتاولة
وقال طارق لطفي في تصريحات لـ قناة MBC، إن دوره في مسلسل العتاولة ينتمي لـ فصيلة الأعمال الشعبية، وهذه المرة الأولى التي يقدم فيها دور شعبي طوال مسيرته الفنية، وأضاف: أول مرة أعمل دور شعبي، والحقيقة تحدي بالنسبالي، لأن الناس الشعبيين ليهم خصائص، غير الخصائص الطبيعية اللي هي الجدعنة، الناس بتتكلم بأيدهم وعندهم لغة جسد وألفاظ كمان، وبيستعملوا مصطلحات مختلفة، فالدور كله مختلف عن الأدوار اللي أنا عملتها، فكان الموضوع تحدي، وعجبني الدور أوي لما أحمد خالد بعتلي ورقتين عجبني أوي خصوصا أن السقا موجود فيه.
وبشأن علاقته بأحمد السقا في العمل، أوضح: احنا أخوات جدا ومكملين لبعض، وكل واحد له وظيفة معينة داخل الحدودتة، ولو انفصلوا عن بعض هيحصل خلل وهنشوف الصراع أن ميبقاش في انفصال، مش صراع أن حد يبقى أكبر من التاني، لا بنحافظ على بعض عشان نكمل مع بعض.
طارق لطفي عن تعاونه مع السقا: أخويا وبنصبر بعض
سبق وتحدث طارق لطفي، عن تعاونه مع أحمد السقا في مسلسل العتاولة، إذ قال: أحمد السقا أخويا بجد، وهو من أرجل وأطيب الناس اللي ممكن نقابلهم في حياتنا، ولما اتعرض عليا الدور ولاقيت السقا قولت هتبقى فيه كواليس عظيمة، وخلاص لاقيت الأخ والصديق اللي هنصبّر بعض في الكواليس اللي كلها شقى وتعب.
