رضوى الشربيني باكية: مبشتغلش في رمضان لأنه شهر المعجزات
أكدت الإعلامية رضوى الشربيني، أنها لا تفضل العمل والظهور على الشاشة الإعلامية في شهر رمضان بسبب حرصها على التفرغ للعبادة والدعاء.
وقالت رضوى الشربيني في برنامجها هي وبس: شهر رمضان ممكن يغير حياتك، الإلحاح في الدعاء بكل اللي نفسك فيه للرحمن الرحيم وأنه يعوضك، ده شهر المعجزات، والله بيعوض أنا من الناس اللي جالها حقها على حياة عينها بسبب شهر رمضان وحياتي اتغيرت، أنا مبشتغلش في رمضان لأني أول ما بدأت كان في رمضان واكتشفت أنه شهر واحد في السنة.
رضوى الشربيني تعلق على استقالة هند صبري من منصب سفيرة النوايا الحسنة
وسبق وأن علقت الإعلامية رضوى الشربيني، على استقالة الفنانة هند صبري عن منصبها كسفيرة نوايا حسنة لبرنامج الأغذية العالمي، وقالت في إحدى حلقاتها السابقة معلقةً على هذا الموقف: موقفها موقف محترم وقوي جدًا وشجاع من ست قوية وشجاعة، هند كانت كتبت من أسبوعين كلمتين اتفهموا غلط والناس هاجمتها، والحقيقة أنها كان قصدها حماية المدنيين في غزة، لكن تم فهم المنشور بشكل خاطئ وقالوا عليها كلام غير لائق بالمرة وهند سكتت ومعلقتش كعادتها.
وتابعت: كتير بيعملوا كده وبياخدوا الموقف الحاسم الواضح أمام الناس كلها، برافو هند ونتمنى من كل الناس اللي عندها صوت عالي وشهرة وقوة الكلمة أنها تاخد نفس الطريق ده، الكلمة هتشكل ضغط والضغط ممكن يغير واقع.
