هتدخل الجنة.. هدى هاني: اللي هناء الشوربجي عملته معايا في ميزان حسناتها
تحدثت الفنانة هدى هاني، عن علاقتها بالفنانة هناء الشوربجي، مؤكدة أنها تدين لها بالامتنان طوال حياتها لتحملها مسؤوليتها بعد وفاة والدتها.
وقالت هدى هاني خلال لقائها مع القاهرة 24: هناء الشوربجي أمي، بعد وفاة والدتي تحملت مسؤوليتي بكل ما تحمله الكلمة، وأولادها أخواتي.
وأضافت هدى هاني: اللي عملته معايا، ده في ميزان حسناتها، هي داخلة الجنة لأن مفيش حد دلوقتى بيعمل كدة، وبياخد مسئولية بنت وتربيها لحد ما تجوزها، بمناسبة عيد الأم أقولها كل سنة وهي طيبة.
هدى هاني: مقدرش أقدم مشاهد جريئة
سبق وتحدثت هدى هاني عن إمكانية تقديمها مشاهد جريئة في أعمالها الفنية، مشيرة إلى أنها لا تستطيع تقديم هذه النوعية من المشاهد.
وقالت هدى هاني: بطبعي بتكسف وبخجل، والفنانة لازم تعمل كل حاجة بعيدا عن الحرام والحلال، ولكن كرم ربنا في مهنتنا لو رفضت عمل في مشهد مش هقدر أعمله، مش هخسر شغلتي، وهشوف عمل تاني.
وتابعت هدى هاني: في حال عرض عليا مشهد زي ده ممكن أتناقش مع المخرج، ولو تمسك بالمشهد هضطر أسيبه، لكن المخرج مش هيروح لهدى من البداية، وحتى لو أخرني فنيا أنا مش هقدر أدِّي في ده كل واحد عارف قدراته.
أعمال هدى هاني
يذكر أن هدى هاني شاركت في مسلسل الخواجة عبد القادر، الذي عُرض في السباق الرمضاني لعام 2012 بطولة يحيى الفخراني، وشارك فيه أيضًا الممثلة سلاف معمار، مها أبو عوف، أحمد فؤاد سليم، سوسن بدر، هدى هاني.
