يسرا: عمري ما كرهت مهنة التمثيل.. وأحمد زكي كان بيمثل بقفاه.. وقولت له بتسرق مني الكاميرا
تحدثت الفنانة يسرا عن الكثير من الأسرار حول مشوارها الفني، خلال لقائها مع الفنان عمر متولي، الذي يذاع عبر حسابه الشخصي بموقع فيسبوك.
ونستعرض لكم في السطور التالية أبرز تصريحات يسرا
-أحمد زكي كان بيمثل بقفاه وقولت له مرة أنت من كتر تشبعك بالشخصية بتمثل بقفاك وبتسرق مني الكاميرا.
-الأمان أحلى صفة في الرجالة، وخالد جوزي بيعرف إزاي يصالحني وعارف مفاتيح قلبي كويس.
-صلاح السعدني أكتر فنان كان بيعرف يحفظ كويس الأسكربيت ويقدمه بشكل مختلف.
-قدمت أدوار شعبية من تاني عمل ليا كان في فيلم ألف بوسة وبوسة وكنت لازم أحفظ الشتايم اللى موجودة في الأسكربيت.
-شادية ممثلة قوية وضربتني قلم جامد في فيلم لا تسألني من أنا وقولت لها إيدك بتلسوع وهي كانت عارفه.
-فاتن حمامة حدوتة لوحدها وكان عندها ذكاء خارق في اختياراتها.
-عبد الحليم حافظ وعمرو دياب أكتر مطربين قريبين لقلبي.
-عمرى ما كرهت شغلانة التمثيل وتعلمت منها كتير وتعرفت على أشخاص مكنتش أتخيل هتعامل معاهم.
-عادل أدهم من الفنانين اللي كنت قلقانة منهم قبل ما أعرف عن قرب، لكن هو فنان دمه خفيف وطيب جدًا.
يسرا وحياتها الشخصية
وفي وقت سابق، تحدثت يسرا خلال تصريحات إذاعية مؤخرًا، عن حياتها الشخصية، حيث قالت: أنا أكيد لازم يكون عندي عُقد بس أنا بعديها، وساعات في لحظات بفتكر حاجات معينة عن والدي وبتضايقني بس لما بفتكر إنه مات وأنا كمان هموت بقول خلاص، وأنا أخدت من مامتي كل حاجة حتى عياها، وأنا لما كنت عيانة عندي كورونا وكانت حالتي خطر جدا، كم الدعاء اللي جالي وكم الناس اللي دعولي ودبحولي، ده حب بلا مقابل.
