ديب وكلاب مسعورة.. سكان مدينة هليوبوليس الجديدة يستغيثون من حيوانات مفترسة: مش عارفين نخرج | خاص
استغاث سكان مدينة هليوبوليس الجديدة للإسكان والتعمير بطريق السويس، من وجود حيوانات مفترسة في المدينة، تقوم بالهجوم والاعتداء على السكان والأطفال.
وقالت نيڤين عبده، إحدى سكان مدينة هيليوبلس الجديدة، في تصريحات خاصة لـ القاهرة 24: احنا ساكنين في كمبوند هليوبوليس الجديدة، التابع لشركة مصر الجديدة للإسكان والتعمير، جنب مدينة الشروق، وطول الوقت عندنا شكاوى من وجود حيوانات مفترسة في المكان، وخاصة إنه لا يصلح للحياة، ومعظم السكان أطلقوا عليه مدينة الاشباح.
وأضافت نيڤين عبده: المكان عبارة عن كمبوند غير صالح للحياة، خالي من المستشفيات والخدمات، بالإضافة للشوارع المكسرة وبلاعات الصرف الصحي المفتوحة، وعدم وجود إضاءة.
سكان مدينة هليوبوليس يثتغيثوا من الحيوانات المفترسة
وأضافت نيڤين عبده، جارتي بنتها الصغيرة هجم عليها كلب قطع لها وشها، والجهاز الخاص بالمدينة لم يتخذ أي إجراء، ومن فترة ظهر حيوانات مفترسة عند عمارات توليب بتسحب الكلاب الضالة داخل المدينة عند مداخل العمارات وتفترسها بشكل وحشي.
وأشارت نيڤين عبده، إحدى سكان مدينة هليوبوليس الجديدة التابعة لشركة مصر للإسكان والتعمير بطريق السويس: الفترة الأخيرة ظهر ديب داخل المدينة، وسريع ومخيف وبيظهر طول الوقت، ودا خطر جدًا على السكان وخاصة الأطفال، وحتى الكلاب اللي في المدينة مسلمتش منه، ومؤخرًا طهرت سلعوة والناس أصبحت عايشة في رعب وذعر ومش عارفين نخرج من البيوت ولا أطفالنا عارفين يروحوا المدارس.
واستكملت، جاري أول إمبارح كان بيغسل عربيته قدام البيت وبنته كانت معاه، فجأة لقيت كلب مسعور بيهجم عليهم، والبنت فعلًا اتبهدلت وايد الراجل متاكلة، وراحوا مستشفى حميات العباسية عشان ياخدوا الحقن واللقاحات.
