شيرين عبد الوهاب: صوتي راح من الزعل.. وصليت شكر لربنا إني سمعت نفسي تاني
كشفت الفنانة شيرين عبد الوهاب الصعوبات التي مرت بها خلال أزمتها الأخيرة، إذ أكدت أنها فقدت صوتها في تلك الفترة من كثرة الحزن الذي مرت به، لكن حب الجمهور الكبير لها أعاد لها صوتها من جديد بسبب الدعم لها.
وقالت شيرين عبد الوهاب خلال حلولها ضيفة على برنامج Big Time مع الإعلامي عمرو أديب والمطربة أصالة: جيت أغني صوتي مطلعش، وكنت بخاف أجرب، مش عايزة حد يقولي غني وخايفة، كانت فترة صعبة، لكن حب الناس جمعني، لما نزلت حفلة بعد فترة غياب صوتي رجع في البروفة، وصليت شكر لربنا إني سمعت نفسي تاني.
شيرين عبد الوهاب: صوتي راح من كتر الزعل
وتابعت شيرين عبد الوهاب: في مهرجان قرطاج كانوا حاطين على المسرح 4 كراسي، لأني مكنتش بقدر أقف أكتر من 10 دقايق، رجلي تتملي مية، فجأة تخنت وكانت حاجة غريبة، وصوتي كان رايح لكن رجع في البروفة، وطلبت من بنت في الكورال تقرأ عليا سورة البقرة علشان أشكر ربنا.
وأكملت شيرين عبد الوهاب: في البروفة صوتي طلع، روحت البيت صليت وطلبت من البنات تقرأ لي سورة البقرة، لأنها طويلة عليا أوي وكنت بشكر ربنا إني سمعت صوتي من تاني.
وفي الأيام الماضية، تصدرت شيرين عبد الوهاب التريند بعد حوارها مع القاهرة 24، حيث كشفت خلال تلك الحوار العديد من الأسرار في حياتها.
