سلمى أبو ضيف عن مسلسل أعلى نسبة مشاهدة: فيه ناس فاتحة بيوتها من التيك توك.. وعارضينلنا حياتهم 24 ساعة
أعربت الفنانة سلمى أبو ضيف عن سعادتها بردود فعل الجمهور، بعد عرض أولى حلقات مسلسل أعلى نسبة مشاهدة، حيث أشارت إلى أن المسلسل يناقش حياة الناس البسيطة التي تلجأ إلى التيك توك، بسبب ظروف المعيشة.
وتحدثت سلمى أبو ضيف خلال تصريحات تلفزيونية، عن أصعب التحديات التي واجهتها في المسلسل، إذ قالت في مداخلة هاتفية لها ببرنامج أسرار النجوم مع إنجي علي: المسلسل كله كان صعب وكنا بنهتم بالتفاصيل العميقة، وحياة شيماء مش سهلة إطلاقًا هي بتصحي كل يوم مش عارفة التريند والدنيا هتاخدها فين، ودا بيولد عندها إرهاق جسدي ونفسي، دائمًا.
وأضافت سلمى أبو ضيف: فيه ناس الظروف بتحطها في مواقف أكبر منها، وبتخليها مش عارفة تتصرف إزاي، بالذات أن بيبقى في عدم وعي وخبرة، وخصوصًا لو الشخص محتاج فلوس، فبيبدأ يشوف أي فرصة.
سلمى أبو ضيف: فيه ناس فاتحة بيوتها من التيك توك
وأكملت سلمى أبو ضيف: الناس مبقتش حاسة ببعضها ولا بتهتم بمشاعر أي شخص، وفي ناس بيكون عندها مصايب في حياتها، وكل اللي طالبينه إنهم ياكلوا ويسترزقوا، ومش بيلاقوا كمان ده للأسف، وفي ناس كتيره كده، وأنا تعاطفت مع شيماء، رغم أني مكنتش مهتمة بالتيك توك، بس لما لقيت في ناس فاتحة بيوتها من التيك توك، وعارضين حياتهم 24 ساعه للناس من أجل كسب العيش، وفيه منهم بيكسب حب الناس.
يشار إلى أن سلمى أبو ضيف تشارك في الموسم الرمضاني من خلال مسلسل أعلى نسبة مشاهدة، حيث استطاعت الفنانة أن تلفت الأنظار إليها بقوة من خلال هذا العمل، الذي يناقش أزمة التيك توكر واليوتيوبر وتصدرهم المشهد في الفترة الأخيرة.
