فيفي عبده: أنا معترفة بالزواج العرفي وبعتبره فترة خطوبة.. ومقدرتش أكون زوجة ثانية
قالت الفنانة فيفي عبده، إنها لا يمكنها أن تكون زوجة ثانية، كما أنها تعتبر الزواج العرفي فترة خطوبة، بجانب الكشف عن تعرضها للتحرش في فيلم امرأة واحدة لا تكفي.
وأضافت فيفي عبده في تصريحات تليفزيونية: أنا مقدرش أكون زوجة تانية وحتى لو هو متجوز المهم أني معرفش الأولى ولا أشوفها، ولو حد اتقدملي ومقاليش أنه متجوز هحترم ده وهعمل نفسي مش عارفة، وميقدرش يقولي أنه متجوز أصل الرجالة اللي بتدور عليا مش أنا اللي بدور عليهم، كل اللي عايزة أعرفه أنك الراجل بتاعي حبيبي، وماليش دعوة بأي حاجة تانية.
وتابعت فيفي عبده: أنا معترفة بالجواز العرفي وأكيد مش هخلي راجل يلمسني من غير جواز، وأنا بعتبر الجواز العرفي فترة خطوبة، وبعدين أكتب الكتاب رسمي لما أعرفه، أنا بتجوز وأنا مش عارفاهم، والحمد لله جوازاتي كلها محترمة.
فيفي عبده تكشف تفاصيل تعرضها للتحرش
كما كشفت الفنانة فيفي عبده، عن تفاصيل تعرضها للتحرش في فيلم امرأة واحدة لا تكفي، قائلة: كنت في مشهد المفروض أن بيت أخويا وقع وبينزلوني من البيت وهما بيشولوني بالسلم لاقيت واحد شايلني بيحسس وهو نازل وإيده على ضهري، نزلت عليه ضرب بالأقلام وهما مش عارفين أنا بضربه ليه، وأنا قولت للمخرجة بيني وبينها على اللي حصل.
