تامر هجرس: مبحبش التصوير في شهر رمضان.. والفن مهنة صعبة وبنشتغل عدد ساعات غريبة
تحدث الفنان تامر هجرس، عن صعوبة مهنة الفن، مؤكدًا أنه لا يفضل تصوير الأعمال الفنية في شهر رمضان نظرًا لحرمانية الشهر وتفرغه للعبادة.
وقال تامر هجرس، في تصريح خاص لـ القاهرة 24: مبحبش التصوير في شهر رمضان لأنه شهر عبادة وعندي طقوس معينة بحب أعملها.
أما عن صعوبة مهنة الفن، فعلق تامر هجرس: الفن مهنة صعبة جدًا للأننا بنتشتغل ساعات غريبة جدًا وشاقة جدًا وممكن نصور في مشهد 30 ثانية في يومين، فالموضوع متعب جدًا ولكن النتيجة بتبقى حلوة ورد فعل الجمهور بيرفع معنويات الممثل، وأن جمهوري بيبقى سعيد ده بيخلني أكمل.
تامر هجرس: مبتفرجش على مسلسلات في رمضان
وسبق وأن كشف تامر هجرس مؤخرًا، عن طقوسه في شهر رمضان، موضحًا إنه يهتم خلال شهر رمضان بالرياضة وقراءة القرآن قبل الفجر، إذ قال في تصريحاته مع القاهرة 24: بعمل رياضة معينة مش متعبة، ولو عندي شغل بخلصه وبعدين بفطر مع العيلة، بنزل ألعب رياضة بعد الفطار، وبقرأ جزء قرآن، ومش بتفرج على التلفزيون في رمضان، لكن بشجع كل زمايلي على أعمالهم.
وأضاف تامر هجرس: لو في عمل شدني وده بيكون نادر جدًا ممكن اتابعه بعد رمضان عشان في رمضان بيكون دائمًا وقت مقدس لربي وعبادتي وبحس أني بتغير وبتطور من نفسي صحيًا وأخلاقيًا وأدبيًا وجسمانيًا وذهنيًا.
