علي جمعة: عرش الله فخم ومبهر.. خلقه من الذهب والفضة والمجوهرات
أجاب فضيلة الدكتور علي جمعة مفتي الجمهورية السابق وعضو هيئة كبار العلماء بالأزهر الشريف، على سؤال طفل مفاداه: مما خُلق عرش الله؟.
وقال علي جمعة خلال برنامجه نور الدين: أنا ماشوفتوش، وفي الشريعة ماقالوش لينا إيه المادة المعمولة منه العرش، لكن عرش الله معمول من اللؤلؤ والمرجان والذهب والفضة والألماظات والزمرد، معمول بطريقة مبهرة، أول ما تشوفه تشعر بأنك قدام حاجة عظيمة وفخمة تشعر بالأمن والخشوع.
لماذا خلق الله العرش؟
كما أجاب الدكتور علي جمعة على سؤال طفل آخر نصه: لماذا خلق الله العرش؟
وأضاف علي جمعة: اتعمل لأنه ربنا رسم الدنيا على وضع معني، موضحًا: فيه عوالم، منهم عالم الأرض، حواليه مجرة يعني مجموعة ضخمة من الكواكب، الأرض بتلف والشمس أيضا بتلف وحواليها حوالي 11 كوكب منطلقة في الفضاء بيلفوا حوالين عرش الله.
وتابع: الكون منه حاجات مرصودة وحاجات ما شوفنهاش ومش قادرين نشوفها الدائرة دي منها حاجة اسمها الكون المرصود، ودا محتاج 93 مليار سنة ضوئية لنكتشفه ونوصله، هذا يعني اننا بس شايفين سدس الكون فقط، لسه قدامنا كتير فقد قال الله تعالى: وما أوتيتم من العلم إلا قليلا.
وأكمل علي جمعة: الكون كله بيطوف حوالين العرش، فخلق العرش زي الكعبة لما نحج أو نعتمر بنلف حواليها تشبهًا بالملائكة الذين يطوفون حول العرش وتشبهًا بالكون الذي يطوف حول العرش.
وأكد علي جمعة: العرش مخلوق عظيم مبهر، عشان لما نعرف شأنه، نعرف ان الله قهره واستولى عليه، ونعرف أنه هو القاهر فوق عباده فنقوم ساجدين لله تعالى.
