علي جمعة يرد على سؤال صغيرة: ربنا خلقنا ليه؟
توجهت طفلة بسؤال إلى الدكتور علي جمعة، مفتي الديار المصرية السابق، نصه: هو ليه ربنا خلقنا؟
لماذا خلقنا الله؟.. علي جمعة يرد
وقال الدكتور علي جمعة، مفتي الديار المصرية السابق، خلال حلقة برنامج نور الدين، اليوم الخميس: ربنا خلقنا وقال لنا، “وما خلقت الجن والإنس إلا ليعبدون”.. خلق الملائكة والجن وخلقنا وخلق عوالم كتيرة زينا علشان نعبده.
وأضاف: بكل عالم من العوالم دي بيعبد ربنا بيطريقته، الملائكة لا يعصون الله أبدا، إحنا خلقنا وعندنا عقل واختيار، وأسجد لنا ملائكة، وقال لنا أنتم لو استقمتكم هتكونوا أفضل من الملائكة، وفي منا اللي بيستقيم ومنا من لا يستقيم.
ربنا عنده كام سنة؟
فيما توجت طفلة بسؤال إلى الدكتور علي جمعة، مفتي الديار المصرية السابق، نصه: ربنا عنده كام سنة؟
وقال الدكتور علي جمعة، مفتي الديار المصرية السابق، خلال حلقة برنامج نور الدين، اليوم الخميس: ربنا موجود على طول.. محدش بيعد، لأنه سبحانه خارج الدائرة، فلا بداية ولا نهاية له ومحدش يعرف يعد لأنه مفيش زمن.. عدم وجود الزمن يخلينا نقول مينفعش السؤال ده لأن الله مختلف عننا.. فحد يقول عمر ربنا قد إيه؟، نقول ليس له عمر، لماذا؟، لأنه ليس حوله زمن.
