داليا مصطفى: الاستغفار باب كبير للرزق.. وبتبرع بـ 10% من أي قرش بيجيلي|فيديو
تحدثت الفنانة داليا مصطفى، عن أثر الاستغفار في حياتها، مؤكدة أنه باب كبير للرزق، كاشفة أنها تتبرع بـ 10% من جميع أرباحها عن أعمالها الفنية.
وقالت داليا مصطفى خلال حلولها ضيفة على برنامج لحظة تجلي، الذي تقدمه الزميلة منى عقبي، عبر القاهرة 24: أنا بحب جدًا الاستغفار، وهو فعلًا باب رزق كبير جدًا وسورة الواقعة، ومش عارفة ليه سورة الحاقة بتهديني جدًا.
وتابعت: روحت اتفرجت على مسرحية عفروتو وكنت لسة طالبة في المعهد، وقولت نفسي أكون مكان منى زكي وده كان حلم مستحيل يتحقق، وروحت البيت وقعدت استغفر ربنا ولاقيتهم بيكلموني علشان أعمل دور منى زكي لأنها كانت مسافرة تعمل فيلم أفريكانو، ومش عارفة ده حصل إزاي وليه مختاروش نجمة كبيرة خاصة أني كنت لسة ولا حاجة.
وأضافت داليا مصطفى، أنها تتبرع بـ 10% من أي أرباح تحصل عليها بعد عمل فني، قائلة: التبرع شيء مهم جدًا لأنه بيحمي من الكرامات السلبية زي الأمراض، وأنا الحمد لله مفيش قرش بيجيلي مبطلعش عليه 10%، واكتشفت أن عمري في حياتي ما طلعت الـ 10% إلا وربنا كرمني بأكتر منهم.
واستكملت: عمر التبرع ما بينقص الفلوس زي ما الناس متخيلة، وعندي اقتناع أن ده بيحميني من حاجات كتير كانت ممكن تحصل.
