فيفي عبده: عزة بنتي أنسب فنانة تمثل قصة حياتي وهدربها على الرقص
أكدت الفنانة فيفي عبده، أنه حال تفكيرها في تقديم عمل فني لمسيرتها وقصة حياتها ستختار ابنتها عزة لتقديم شخصيتها.
وأوضحت فيفي عبده في تصريحات تلفزيونية: لو عملت قصة حياتي هختار عزة بنتي تجسدني وهدربها على الرقص وهي شرباني وممثلة مجتهدة وشاطرة.
وأضافت أنها في بدايتها كانت توافق على تقديم أدوار ثانية وثالثة، لكنها الآن ترفض الظهور كضيفة شرف، متابعة: رفضت الظهور كضيف شرف واعتذرت لأن ده مبدأ عندي بطولة أو أسيب الدور.
وتابعت: ممكن أوافق على عمل بطولة جماعية أو بطولة أكثر من شخص إنما أعمل مشهد أو دور صغير ممكن يكون حاجة كويسة بس داخليا مقدرش أعمل ده، وأنا ناجحة وجماهيريتي كبيرة وسط الناس.
فيفي عبده: موافقة أرقص قدام ناس مبحبهاش لو مقابل عرض مالي كبير
كما كشفت فيفي عبده، عن موقفها حال تلقيها عرض كبير مقابل مبلغ مالي كبير ولكن لشخصيات لا تحبها، قائلة: لو جالي عرض رقص أمام ناس مبحبهاش ممكن أرقص عشان الفلوس محتاجها لكن لو ربنا سترها معايا مش هعمل وممكن لو عايزة أغيظهم.
وأردفت: الفنان الشاطر يستطيع عمل كل حاجة، كما أشارت إلى أن أكثر شيء تشعر فيه بالأمان هو التواجد في بلدها مصر واحتضان أبنائها وتكون وسط أهلها.
واستكملت: الأمان بحس به في بلدي أكثر من أي حاجة ولو مسافرة بحس بأمان عادي ولكن مصر حاجة تانية وفيها أولادي في حضني وأهلي وده الأمان، وفي مرة راحت فلوسي كلها وضاعت مني ووقعت من العباية تحت ايدي وجبتها تاني بره مصر، مؤكدة أن المصريين بيتحسدوا على الأمان اللي في مصر ومصر عامرة.
