بسمة بوسيل: تامر حسني أب مثالي.. وولادنا ملهمش ذنب في اختياراتنا ومش هنخليهم ضحية الطلاق
علقت الفنانة بسمة بوسيل، على صورها العائلية مع طليقها الفنان تامر حسني، مؤكدة حرصهما على الصحة النفسية لأولادهما الثلاثة.
وقالت بسمة بوسيل في لقائها مع برنامج ET بالعربي: لازم نتجمع أول يوم رمضان وفي المناسبات علشان ولادنا يحسوا بالدفء، حتى لو اتطلقنا لسه بنحافظ على أولادنا هما ملهمش ذنب في اختياراتنا، وأهم حاجة عندنا الصحة النفسية بتاعتهم إحنا مش بنمثل إحنا عيلة متجمعين.
وتابعت: رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا ربنا كتب علينا ده بس في نفس الوقت مش عايزين نخلي أولادنا ضحية، مش عايزين نخلي ولادنا الضحية.
وأضافت: أنا وتامر بنحافظ على أن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي مش أم كويسة، بصراحة تامر سباق أكتر مني وأنا محظوظة هو أب مثالي وبيعشق أولاده.
تامر حسني وبسمة بوسيل
وانفصل تامر حسني وبسمة بوسيل في شهر أبريل الماضي عام 2023، حيث أعلن كل منهما نبأ الطلاق عبر حساباتهما الرسمية، كتب تامر: وجعلنا بينكم مودة ورحمة، دا كلام ربنا في الزواج والطلاق وتم الطلاق بيني وبين بسمة بوسيل وسيظل بيننا كل ود واحترام وربنا يكتبلك ويكتبلي كل خير، وعشرة 12 سنة مش قليل يا بسوم وسأظل الأب والاخ والصديق والسند.. في حفظ الله.
