جلدي بقى تخين.. أسما شريف منير: اللوك بتاعي هيفضل جديد.. ووالدي بيساندني في أي كارثة
تحدثت أسما شريف منير، عن اللوك الذي أجرته مؤخرًا بعد حلاقة شعرها، مشيرة إلى أن شعرها أصبح أطول من السابق.
وقالت أسما شريف منير: اللوك هيفضل جديد طول الوقت، لأني كل ما شعري يطول هياخد في قصة شعر مختلفة وأنا بدأت من الصفر وهعمل 12 لوك، وهسيبه يطول.
وعن الانتقادات التي تعرضت لها قالت: أنا برضه جلدي تخن في إني اتحمل انتقادات، وجالي انتقادات كتير وكنت واثقة من اللي عملته وكنت بعمله علشان حاسة إني عاوزة أعمل كده، وحاسة أن دي حاجة شخصية ومحدش له دعوة بيها.
وبشأن دعم والدها شريف منير لها قالت: ما كنتش عارفة أنه هيعمل كده، لكن كنت متوقعة، وإحنا مش بنشوف بعض كتير بسبب شغله وشغلي والدنيا بتاخدنا لأن هو عنده حاجات وأنا عندي حاجات، واللي متأكدة منه أن لو فيه كارثة هيكون في ظهري.
وتابعت: بنتي كانت معايا وقالت لي إنتي قوية جدا وأعملي اللي إنتي عاوزاه، لأن تفكيرها زي الشباب الجديد فيه جزء من الحرية وأفكارهم مختلفة عن أفكارنا.
أسما شريف منير تكشف سبب رغبتها في ارتداء الحجاب
وعلى جانب آخر، كشفت أسما شريف منير سبب رغبتها في ارتداء الحجاب، وقالت: الفترة دي بحاول أقرب أكتر من ربنا وأوطد علاقتي بيه أكتر، فحاسه إني نفسي أعمل كده، لكن في نفس الوقت حاسة إني عاوزة أكون جاهزة للقرار ده، وأعمله ومرجعش فيه، وبحاول أظبط لبسي، وآخر حاجة أعملها أحط طرحة على شعري.
