علي جمعة: سيدنا النبي كان عنده ضفيرة.. ويجوز للرجل إنه يعمل ديل حصان
أجاب الدكتور علي جمعة، مفتي الديار المصرية السابق، على سؤال رجل حول حكم إطالة الشباب الشعر وعمل ضفيرة وديل حصان؟.
علي جمعة: النبي كانت له هذه الضفيرة
وأوضح الدكتور علي جمعة، مفتي الديار المصرية السابق، خلال حلقة برنامج نور الدين، المذاع على قنوات الشركة المتحدة، اليوم السبت: "سيدنا النبي محمد صلى الله عليه وسلم، كان عنده ضفيرة، ومباح للرجل إنه يربى شعره ويعمل ضفيرة، أو ضفرتين"
هل يجوز للرجل يكون له ديل حصان بأستيك؟.. علي جمعة: يجوز
وقال علي جمعة: في ناس تسأل في المعني دا، هل يجوز للرجل يكون له ديل حصان بأستيك؟.
وأوضح: "يجوز، للرجل إنه يعمل شعره ديل حصان، زى ما بيسموها دلوقتى، لكن لازم ناخد بالنا فى قاعدة عامة وهى الأمر بالعرف، فلما نلاقى الأمر ده بيعمل صدامات يبقى بلاش منه، علشان في رفض مجتمعي له".
وتابع: "فيه حاجة عندنا في الشريعة اسمها المباح والمتاح، يعني أنا لو جيت المسجد لابس ترينج علشان أدي درس وأصور برنامج، يبقى أنا عملت مباح ولكن غير متاح مينفعش".
على جانب أخر، توجهت طفلة بسؤال إلى الدكتور علي جمعة، مفتي الديار المصرية السابق، حول شروط ارتداء الحجاب من أجل أخذ الأجر الكامل ولكن غير الحجاب الشرعي؟.
وأوضح الدكتور علي جمعة، مفتي الديار المصرية السابق، خلال حلقة برنامج "نور الدين"، المذاع على قنوات الشركة المتحدة: أنا مش فاهم ايه الحجاب غير الشرعي، لكن الحجاب لازم يكون لا يصف لا يشف لا يكشف، تعملهم بقى زي ما هي عاوزة بأي نوع لبس.
