تيك توكر تبكي بعد التنمر عليها بسبب نشأتها في دار أيتام: أبويا وداني الدار وده مش بأيدي
تداول مستخدمو مواقع التواصل الاجتماعي، لفيديو تظهر فيه التيك توكر وفاء الليبي، وهي تفتخر بكونها نشأت في دار أيتام، وذلك بالرغم من الهجوم الذي تتعرض له من حين لآخر.
تيك توكر تبكي بعد التنمر عليها بسبب نشأتها في دار أيتام
وفي فيديوها لها عبر تيك توك قالت وفاء الليبي، انا فكرت كتير أوي، قبل ما اخد القرار ده، لكن عشان لو حد مر بالظروف ديه ميضايقش، وعشان محدش يجرحني بكلمة، وعشان اخلص من كل الانتقادات، والموضوع ده عاملي مشكلة، ودايما المجتمع شايف، أنك السبب في كل حاجة في حياتك، ومفيش أي حد اختار ظروفه.
وتابع: ومينفعش أي حد يوجعني ويضايقني بجاجة مش بايدي، وبرغم كله ده دخلت كلية واتجوزت، وانا كبيرة اخواتي، وحصلت مشاكل بين أسرتي، وبعدها بابا وداني دار أيتام، وده مكنش بايدي، وده حمانا من مشاكل كتير، واتربينا احسن تربية، واتعلمنا احسن تربية، وكنت عايشة حياة كريمة، وده برغم نظرة المجتمع لينا، بس ما كناش متشردين، وربنا كان معانا، وانا اثبت أن البنت اللي اتربت في دار ايتام ديه تبقى ايه.
من هي التيك توكر وفاء الليبي؟
تحظى التيك توكر وفاء الليبي بشعبية كبيرة عبر التيك توك، حيث تعتاد على نشر العديد من الفيديوهات على منصتها، وتلك الفيديوهات حازت على إعجاب واسع من جمهور التيك توك، حيث تشارك وفاء يومياتها مع جمهورها.
