أحمد حلمي: أول حب في حياتي كانت خالة واحد صاحبي.. والرجالة صعب تعرف لغة الست
كشف الفنان أحمد حلمي عن حكاية أول حب في حياته، حيث أشار إلى أنه وقع في غرام خالة أحد أصدقائه، وذلك بسبب جمالها الخارق، لكن بعد ذلك اعتدل عن هذا الأمر ووقع في غرام إحدى فتيات منطقته.
وقال الفنان أحمد حلمي خلال لقائه في بودكاست Big Time، الذي يقدمه الإعلامي عمرو أديب: خالة واحد صاحبي، كانت ست كبيرة، وأنا كان عندي 7 سنين وهي كانت جميلة أوي وزي القمر خوجاية بقا، كانت الحب الأول في حياتي.
وتابع أحمد حلمي: الحب اللي بجد بيجي في إعدادي، وأنا حبيت واحدة من ناهيا، واحيانا كانت في قصص حب من المصيف، معنديش قصة حب ثابتة، لكن لما رجعت من السعودية في تانية ثانوي كنت بحب واحدة من جيراني، وإحنا في منطقتنا علشان تعاكس واحدة لازم تكون مش عارف هي مين أو أنت غريب، كنت بحبها عن بعد لكن مكناش بنخرج لأن مكنش ينفع.
كما تحدث حلمي عن صعوبات التعامل مع المرأة، إذ قال: الصعب في الست إنك تعرف لغتها وطريقتها، انك تعرف إنها مخلوق بهذا الشكل، ربنا خلقها كدة لو عرفت إن هي كدة هترتاح، هسألها مالك؟ ماليش هي ربنا خلقها كدة، ولازم تقولها مالك كتير، سيبها شوية بس متسيبهاش.
كما تطرق حلمي في الحديث عن معاناته في بداية حياته، إذ قال: أوقات كتير جيبي مكنش بيبقا فيه فلوس، مفيش خالص ولا حتى جنيه، عدى عليا أوقات كتير كده، بالتحديد وقت الدراسة لأني كنت معتمد على نفسي طالما إيجار الشقة مدفوع كنت بكون مطمن، إن خلاص مفيش حد هيطردنا.
