هجوم على مسلسل لانش بوكس لاستخدام عبارة شعره كيرلي وأبيضاني وحلو في سياق كوميدي

شهد مسلسل لانش بوكس هجوم شديد بعد استخدام عبارة شعره كيرلي وأبيضاني وحلو، للطفل يوسف الذي استشهد على إثر الحرب الإسرائيلية على قطاع غزة، في أحد مشاهد المسلسل الكوميدي الرمضاني، بطولة غادة عادل وجميلة عوض.

هجوم على مسلسل لانش بوكس

انتشر مشهد من حلقة البارحة من مسلسل لانش بوكس، للشخصية التي تؤديها جميلة عوض وهي تبحث عن شخص يدعى يوسف أو ياسين في محل إلكترونيات، وسألت الموظف المسئول، فتقول له: لو سمحت أنا كنت جاية اسأل عن حد بيشتغل عندكوا هنا اسمه يوسف أو ياسين، أشقر كده شعره كيرلي وحليوة.

وأثار المشهد غضب الكثيرون الذين اعتبروا استخدام تلك العبارة، استغلالا لمأساة أهالي الشهداء في غزة لكتابة سيناريوهات مسلسلات، وليس بها أي مراعاة لمشاعر أهالي فلسطين، فعلق أحدهم قائلا: المشهد اللي بيتقال بشكل في سياق ضحك وسخرية وتريقة على الست المكلومة في ابنها اللي اتقتل.

رد مؤلف المسلسل على الهجوم 

ودافع أحد أصدقاء عمرو مدحت، مؤلف المسلسل عن صديقه، قائلا: طيب يا جماعة علشان حق الرد مكفول، مؤلف المسلسل عمرو مدحت صاحبي، وبعت سألته وقالي إنه عمره ما يكتب حاجة زي كده وبعتلي الاسكريبت الأصلي، وفعلًا مفيهوش الكلام ده وأنه اتخض واتضايق لما شاف المشهد.

ثم ارفق كلامه بصورة من نص المشهد مكتوب فيها، الاسم سيف أو سليم، اسمر شوية كدة ولابس نضارة، بدلا من الكلام التي قالته جميلة عوض في المشهد، وزعم أنه غير مسؤول عن تغيير كلمات المشهد دون علمه.

كما علقت جميلة عوض على الهجوم قائلة: والله مش مقصودة، ما عاش ولا كان اللي يقصد حاجة زي كدة.

تعليق مؤلفين آخرين على الواقعة

كما علق السيناريست وائل حمدي على الحادث بصفحته الشخصية بمنصة X، تويتر سابقا، فيقول: لو مكانه هعمل كده، في مشكلة زي دي الكاتب هيشيل الليلة! ممكن الجملة متكونش بالحرف، بس التناص واضح جدا لأي حد هايسمع الجملتين، فمش حساسية زيادة ولا حاجة، لكن كل اللي كانوا ف اللوكيشن يتحملوا مسئولية الموقف ده بدرجات متفاوتة والمقاوحة هتخليهم يغرزوا اكتر، مفيش أسلم من الاعتذار دلوقتي.