مرتضى منصور يهاجم رامز جلال: كسر دراع عبد الناصر زيدان.. وكلمت أشرف زكي عشان يحمي الفنانين
شن مرتضى منصور هجوما شديدا على بعض الأعمال التي تعرض في رمضان من بينها رامز جلال وبرنامجه «رامز جاب من الآخر»، حيث اعتبر ما يفعله رامز جلال خلال البرنامج إهانة للضيوف.
مرتضي منصور يهاجم رامز جلال
وأضاف مرتضى منصور خلال بث مباشر عبر القاهرة 24 أنه هاتف أشرف زكي نقيب الممثلين منتقدًا ما يحدث في رمضان، قائلا: كلمت أشرف زكي وقلتله يا أشرف لما حد بيهين ممثل بتزعل وتطلع بيانات، هو أنت مش شايف اللي رامز بيعمله فيهم، هو أنت مش شايف اللي بيعمله في فنانين مصر ونجوم مصر.
واستنكر مرتضى منصور ما يفعله رامز جلال خلال برنامجه الذي يعرض في رمضان قائلا: بيقولهم اضربوا بعض بالقلم وبالشلوت، وخليها تقع على وشها، هو أنتوا هنتوا على نفسكم، طب ما أي حد يتكلم عنكم ليه حق بصراحة، وأشرف زكي رد عليا وقالي أنا نبهت، مفيش حاجة اسمها كده.
وأشار مرتضى منصور إلى أن ما يحدث لا يجوز في حق مصر وفنانين مصر، موضحًا: مينفعش يا أشرف يا زكي تسيبهم يتهزقوا وتقول أنا قلت لهم مينفعش خالص كدا، دول بيمثلوا صورة الشعب المصري، وواحد ذي رامز يضحك العالم كله على المصريين، من رياضيين وفنانين.
ولفت إلى أن رامز جلال تسبب في كسر ذراع عبد الناصر زيدان خلال برنامج رامز جاب من الآخر مردفا: هي الحاجات دي فيها هزار.
وأوضح مرتضى منصور أن هناك أعمال درامية جيدة مثل مسلسل الحشاشين، لافتا إلى أنه بعد حديثه سيتعرض للهجوم من القنوات المعادية “فيه أعمال كويسه ذي مسلسل الحشاشين بس أنا لو قلت كده هيقولوا مرتضى ده إخواني ومش عارف إيه”.
