سلاف فواخرجي: متطلقتش من زوجي.. وتعرضنا لمحاولات اغتيال
أكدت الفنانة السورية سلاف فواخرجي، عدم حدوث طلاق بينها وبين زوجها وائل رمضان ولكنه كان انفصالا، بجانب الكشف عن تعرضها وعائلتها لـ عدة محاولات اغتيال.
وقالت سلاف فواخرجي: مطلقناش أصلًا إحنا أعلننا إننا في حالة انفصال، ولكن نتواصل لحظة بلحظة وحسينا في فترة بيننا كعائلة أننا محتاجين نحافظ على هدوء البيت، حاليًا الحب بيرجع والحياة بترجع ولكن كنا بنمر بفترة صعبة، وكنا عايزين نحافظ على الحب وكنا مع بعض لحظة بلحظة، وصعب الحب الحقيقي يروح لأنه حقيقي وصادق.
وتابعت: من كتر حفاظنا على الحب عملنا الخطوة دي، وصعب تبعد عن شخص كان إنسان حقيقي وبيننا حب، ولو حصل حتى طلاق فالمشاعر باقية وده الحقيقة، وطالما الحب حقيقي يبقى صعب يروح، والزواج والطلاق أكبر من ورقة وفي أحيانا طلاق روحي.
سلاف فواخرجي تكشف تفاصيل تعرضها لمحاولة اغتيال
أما عن تفاصيل تعرضها لمحاولة اغتيال، فقالت سلاف فواخرجي: تعرضت أنا وزوجي وأولادي لمحاولة اغتيال أكتر من مرة، لأن كان فيه رأي بالنسبة لـ بلدنا سوريا مختلف فقرروا يقتلونا، وكانت لحظات مرعبة، مبيسمحوش نفكر أو نقول رأي آخر، والغالبية اللي بيطالبوا بالحرية منعونا نتكلم، أنا مش همي إرضاء الناس، عايزة أكون حقيقية.
سلاف فواخرجي تكشف سبب انفصالها عن زوجها
وعلى جانب آخر، سبق وكشفت الفنانة السورية سلاف فواخرجي، سبب انفصالها عن زوجها وائل رمضان، حيث قالت في تصريحات تلفزيونية: اختلفنا على حاجات كتيرة ممكن تكون حاجات بسيطة زي آراء أو حاجات تانية، وأنا كبرت واتغيرت بعد ما أهلي توفوا، بس حبيت نفسي دلوقتي أكتر يمكن عشان النضج والتجارب اللي مريت بيها رغم صعوبتها.
