أحمد فهمي: شغل الفن فيه شللية ومجاملات.. وقلت زمان إن تامر حسني مش نجم الجيل
تحدث الفنان أحمد فهمي، عن صعوبات مهنة الفن، مشيرًا إلى أن جزء منها قائم على الشلل والعلاقات، إلى جانب حديثه عن الفنان تامر حسني.
وقال أحمد فهمي، خلال لقاء تليفزيوني: من وجهة نظري في حاجات في شغلنا مش على حسب المجهود ولما كنت بعزف أخذت جوائز كتير جدًا وكنت ببذل مجهود في شغلنا ولكن في شغلنا الفن فيه جزء منه شللية ومجاملات.
وأكد أحمد فهمي أنه لا يخاف من تصريحاته لأنه يقول الحقيقة ولا يخاف من النقد، موضحًا: مش خايف من التصريح لأنها حقيقة وبقول اللي أنا حاسه وأنا مليش شلة وليا أصحاب بنشتغل مع بعض ولكن مليش شلة في الوسط الفني.
وأكمل: ممكن أقعد سنة مشتغلش عشان مفيش حاجة عجبتني وكان في خطوات كنت حاسبها من فكرة المغني اللي بيمثل، ودلوقتي بمثل عشان التمثيل مش عشان مغني، وبعمل أدوار مركبة وفيها تمثيل تبين إمكانياتي، ونفسي آخذ جائزة في التمثيل مش من الجمهور بس ولكن يكون من النقاد ومهرجانات.
أحمد فهمي: تامر حسني نجم كبير في جيله
في سياق آخر، تحدث أحمد فهمي، عن الفنان تامر حسني قائلًا: نجم كبير في جيله ومن أكثر المغنيين الذين دخلوا مجال التمثيل وحققوا إيرادات ضخمة في شباك التذاكر.
وتابع: تامر حسني كان صديقي وزملاء في فصل واحد، وممكن أكون قلت زمان في بداية تامر حسني إنه مش نجم الجيل وأنا لا أنكر نجومية تامر حسني ومن أهم نجوم جيله.
وختامًا أكد أحمد فهمي أنه لا يبحث عن البطولة قائلًا: ممكن أقبل بدور حلو من غير فلوس بس أبقى واثق في العوامل الفنية المخرج والكاتب وإنه هيكون عمل فني جيد أقدمه ببلاش وأنا ضد دور ضيف الشرف ومش بعمله.
