أحمد سعد يسخر من شقيقه العالِم: الوحيد اللي ضاع فينا.. لو طلع فنان كان كسب أكتر
سخر الفنان أحمد سعد من شقيقه العالم، الذي يدعى سامح، حيث أشار إلى أن شقيقه الآن حالته المادية ليست على ما يرام، مؤكدا أنه لو كان فنانًا مثل شقيقهما الثالث عمرو سعد، أو مثله، كانت حالته المادية ستكون أفضل حسب رأيه.
وتحدث أحمد سعد عن شقيقه العالم، خلال لقائه مع الإعلامي عمرو أديب في بودكاست Big Time، إذ قال: سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر.
أحمد سعد يسخر من شقيقه العالم
وتابع أحمد سعد: سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجيستير ودكتوراه، كان الأول على اليابان، وأمريكا أخدته، عملوله معمل من أهم 10 معامل في العالم، وزويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128.
كما تحدث الفنان أحمد سعد عن أسرته، واشقائه الـ 8، حيث قال: إحنا 9 أولاد، وأنا رقم 7، أبويا كان جوارديولا، وأنا كنت بخدم الـ 8 أخواتي، وفي يوم قررت أعمل ثورة عليهم، لكن كنت بحضر لها جوا مخي، أخويا شالني ورماني برة وقفل الباب، وروحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا.
