تامر حسني لـ بسمة بوسيل: مصور لـ ولادنا كل تعبك معاهم من وأنتي حامل علشان يراعوا ربنا فينا لما نكبر
أهدى الفنان تامر حسني رسالة لطليقته وأم أولاده الفنانة بسمة بوسيل، بمناسبة عيد الأم، حيث أكد أن علاقتهما تسودها الود والاحترام حتى بعد الانفصال.
ونشر تامر حسني عبر حسابه الرسمي بموقع تبادل الصور والفيديوهات انستجرام، إذ قال: كل سنة وأنتي طيبة يا بسمة بحكي لولادنا عن الأصول دي ومصورلهم كل تعبك معاهم من وأنتي لسة حامل.
وتابع تامر حسني: هعدي عصبيتك عليا في الوقت ده مش مشكلة حقك، المهم مصورلهم مجهودك لحظة بلحظة عشان يعرفوا أنتي وأنا تعبنا عشانهم إزاي، ولما يكبروا إن شاء الله هما يعملوا كده مع ولادهم وكمان يراعوا ربنا فينا لما إحنا نكبر.
واختتم حديثه: إن شاء الله هتشوفي فيهم كل الخير عشان أنتي أم جميلة ومخلصة ليهم قدام ربنا.. كل سنة وكل أم في الدنيا طيبة، ويلا ندعي لكل أم مش معانا ربنا يرحمها ويرفع من قدرها في الجنة.
آخر أعمال تامر حسني
يذكر أن الفنان تامر حسني طرح مؤخرًا فيديو كليب أغنيته الجديدة موحشتكيش وظهرت معه خلال الأغنية الفنانة ثراء جبيل، والأغنية من كلمات أمير طعمية، وألحان وتوزيع أحمد إبراهيم وتصدر تامر حسني القائمة السنوية لأكثر الفنانين المصريين مشاهدة على موقع الفيديوهات الشهير يوتيوب، بـ 3 مليارات و500 مشاهدة بجانب أغنية موضوع رجوعنا التي استطاعت تحقيق 3 ملايين مشاهدة على اليوتيوب، وشاركته في الكليب الفنانة رانيا منصور.
