عصام صاصا: مفرقش معايا كلام العسيلي.. وعملت أغنية مع عمر كمال شال صوتي وحط صوت حمو بيكا
علق مطرب المهرجانات عصام صاصا، على تصريحات الفنان محمود العسيلي الأخيرة، كاشفا تفاصيل خلافه مع عمر كمال وحمو بيكا.
عصام صاصا: مفرقش معايا كلام العسيلي.. وعملت أغنية مع عمر كمال شال صوتي وحط صوت حمو بيكا
وقال عصام صاصا في تصريحات تلفزيونية: مشكلتي مع حمو بيكا كانت من خلال إدارة أعماله طول الوقت وده بيكرهني فيه، على الرغم من أني مكنتش أعرف حمو بيكا ولا قبلته غير مرة.
وعن تفاصيل خلافه مع عمر كمال قال عصام صاصا: كنت مضايق منه بسبب أني سجلت معاه أغنيتين، واتفقنا أن كل واحد هياخد أغنية عنده.
عصام صاصا: عمر كمال شال صوتي من أغنية وحط صوت حمو بيكا
تابع عصام صاصا: وبعد ما عمر كمال نزل الأغنية عنده اكتشفت إن صوتي اتشال من الأغنية وحمو بيكا صوته اللي دخل فيها، والأغنية نزلت بصوت عمر كمال وحمو بيكا، وقفلت الأغنية على اليوتيوب، وأنا مش بسيب حقي.
ورد عصام صاصا على تصريحات محمود العسيلي التلفزيونية الأخيرة، بأنه لا يعرف اسم المطرب الذي حقق أرقاما عالية عبر موقع اليوتيوب، قائلا: مزعلتش منه، ولكن مفرقش معايا، إنت المفروض حد كبير وليك قيمتك متتكلمش مع حد متعرفوش.
وواصل عصام صاصا: هو أكيد عارف اسمي لأن قبل ما يطلع في البرنامج بيومين حسن شاكوش كان عنده حفلة والعسيلي كان قاعد وشاكوش وأنا، كنا كل واحد في طربيزة، وشاكوش رحب بيا وبيه، أكيد يعني عرف إننا فنانيين زي بعض.
