جمال فرويز يشخص حالة حورية فرغلي بعد رؤيتها للجن: قد تحدث نتيجة تعاطي المخدرات
تحدث الدكتور جمال فرويز أستاذ الطب النفسي، تفاصيل الحالة الصحية للفنانة حورية فرغلي، بعد رؤيتها العفاريت والجن في منزلها، مؤكدا أن أحيانا يحدث كل هذا بسبب تعاطي المخدرات.
وقال جمال فرويز، في برنامج العرافة الذي تقدمه الإعلامية بسمة وهبة: في عندنا اضطراب في المخ بيظهر الاضطراب النفسي، وفي بعض الناس لما بيعلى عندهم، بيسمع صوت محدش بيسمعه غيره وبيحس بحاجات بتلمس جسمه.
وواصل جمال فرويز: دايما اللي بيشوف الحاجات دي مش بيكون عنده انفصام في الشخصية أو اضطراب ممكن ده نتيجة تعاطي المخدرات.
حورية فرغلي تتحدث عن معاناتها مع الجن
وكانت تحدثت حورية فرغلي في الحلقة على معاناتها مع الجن، قائلة: اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب.
وأضافت حورية فرغلي: اشتريت الشقة 2013، في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة.
واستكملت حورية فرغلي: ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.
