محمود كهربا: أهلي رقم واحد عندي.. وأتمنى انضمام فتوح للأحمر
علق لاعب النادي الأهلي محمود كهربا، على مواصفات فتاة أحلامه قائلًا: بفكر بقالي 4 سنين نفسي أتجوز بس بدور على حد شبه والدتي محترمة وكويسة، وفي البيت نفسهم أتجوز واقعد معاهم، والمواصفات تكون طيبة وحنينة وتحافظ عليا وتقدر شغلي، وفيه كتير وبلدنا مليانة بنات كتير محترمين.
تصريحات محمود كهربا
وقال محمود كهربا، في تصريحات تلفزيونية: أهلي رقم واحد عندي والدي ووالدتي وأخويا وأختي، هما اللي عملوا كهربا وساعدوني في حياتي، والحمد لله كنا أسرة متوسطة وأهلي وفرولي كل حاجة من صغري، ونتيجة ده عامل كل حاجة باسمهم، ووالدتي بتدعي على اللي ظلموني وعندها إحساس باللي بيحصلي قبل ما يحصل، مش بحسد حد، وأسعد حاجة إني أشوف حد من الفريق في حتة كويسة، ونفسي أن أحمد فتوح ييجي يلعب في الأهلي رغم أنه زملكاوي جدًا، ووالدتي بترقيني دايمًا، وبقولها ربنا يخليكي ليا طول العمر وميحرمنيش منك قبل كل ماتش وبعده.
محمود كهربا: شديت مع مهيب عبد الهادي بسبب رامز
وعلق لاعب النادي الأهلي محمود كهربا، على غضبه من رامز جلال قائلًا: شديت أنا ومهيب عبد الهادي عشان حوار رامز، وكان الموضوع تقيل عليا وأنا معرفش إن فيه مقلب، وكنت رايح البرنامج إنه عادي وأنا منبه، واتخبط في إيدي، فالأول كنت متضايق وبعدين قلت الحلقة مش عجباني أنه يحصل فيها كده.
وقال محمود كهربا، في تصريحات تلفزيونية: مفيش حد يعرف يهيني، ورامز أخويا وحبيبي، ورفضت أقفل الحلقة عشان مكنتش شايف قدامي، وأنا ساعتها مكنتش حاسس لأني بخاف من الكلاب جدًا، بسبب أنهم ممكن يبطلوني لعب كورة، ولو رامز كان نزلي كنت هاخد حقي منه، واتكلمنا بعدها وصالحني، وكل مرة ببقى رايح مببقاش عارف إن في مقلب، رايح على أساس إنه برنامج له علاقة بالكورة، وأنا غضبان بيبقى لساني أعمى وإيديا كمان.
