كهربا: في إعلام بيبني برامجه على اسمي.. وبيستضيفوا أشخاص معينة من أجل التريند
علق لاعب النادي الأهلي محمود عبد المنعم كهربا، على أزمته مع الإعلاميين الرياضيين قائلًا: الإعلام بيبنوا برامجهم على اسمي وبيجيبوا ناس مالهاش لازمة عشان يبقوا تريند، وأنا مزاجنجي ومدحت شلبي لو حصل ايه عمري ما أطلع معاه، وبيجيب سيرتي بأي حاجة وحشة عشان رفضت أروحله برنامج من 3 سنين.
وقال محمود عبد المنعم كهربا في تصريحات تلفزيونية: أي حد بيجيب سيرتي بحاجة وحشة بيبقى فيه موقف بيني وبينه قبلها، لكن مدحت شلبي متربص ليا لحد دلوقتي، وعندي طبع أن مهما حد يقول حاجة في ضهري كأنه مش موجود ومش بشوف الناس دي، ولا الكلام أحب الأفعال بس.
محمود كهربا: أي حاجة بعملها بإذن الخطيب
عبر لاعب النادي الأهلي محمود كهربا عن حبه للكابتن محمود الخطيب رئيس النادي الأهلي، قائلًا: كابتن محمود الخطيب هو الأب الروحي، ودايما بتعلم منه وهو أكثر شخص ساندني بخبرته وغير من شخصية كهربا، وقالي لازم تبقى أهدى من كده ويجلس معايا ويعلمني بخبرته، مبغلطش عشان أي حاجة بعملها بإذن الخطيب، ومكلمنيش على حلقة رامز، ولا يعلم مشكلتي مع مدحت شلبي، وبيقولى عايزك تساعد الفرقة والفرقة تساعدك مش تلبس تيشرت الأهلي وخلاص.
وقال محمود كهربا: أجلت فرح أختي 4 شهور، لأني كان نفسي أكون معاها وحددت اليوم من غير ما اعرف اننا مسافرين، واستأذنت من المدير الفني، ومفيش مشاكل بيني وبين حد في الجهاز الفني، وعندنا اللاعب لو بيلعب البدلاء بتوعه هما أكبر داعم له، وفرح اختي معملش شرخ بيني وبين كولر.
