علي جمعة: بلاش وإحنا بندي المرأة حقوقها ندوس على الرجالة
أجاب الدكتور علي جمعة، مفتى الديار المصرية السابق، على سؤال طفلة حول لماذا الزوجة مجبرة على طاعة زوجها، وعدم طاعة الست للراجل تأثم عليها ولو هو غير موافق على صيامها يكون باطلا؟.
وقال الدكتور علي جمعة، مفتى الديار المصرية السابق، خلال حلقة برنامج "نور الدين"، اليوم الاثنين: "مين اللي قالك الكلام ده أنتم جابين معلوماتكم منين، وبتقولوا حاجات غريبة جدا الله يكون في عونكم".
وتابع: "احنا في الحياة الدنيا، أي واحدة ست لها كل الحقوق والخيارات وكل حاجة، وكمان الراجل له كل الحقوق والخيارات وكل حاجة، إلا لما يتدخلوا في الزواج بقيوا فى شركة وأسرة فيها دوائر متعارضة يجب ترتيبها علشان الحياة تمشي".
علي جمعة: بلاش واحنا بندى المرأة حقوقها ندوس على الرجالة
وأضاف: "الشرع حرم إجبار الفتاة على الزواج من أي شخص لا تريده، حضرتك كأنثى أنتى حرة، لكن انتي أردتي الزواج علشان في دافع أمومة جواكى وعندك دافع تكوني ربة منزل، ده اختيارك بقى في بني آدم تاني فهو مش كيس جوافة، مش عاوزين واحنا بندي المرأة حقوقها ندوس على الرجالة".
وأوضح: "قائد السفينة في البيت لازم يكون حر الحركة، الأستاذة حملت وولدت، وتعاين الموت وهي بتخلف، وعندنا إحدى الكاتبات قالت ده كلام سليم وعملت رواية تعترض على ربنا، طيب عاوزين إيه مفيش ربنا، طيب مفيش ربنا هتبقى الدنيا مقلب وسودا".
ونوه: "الشركة لازم ليكون قائد يكون مسئول عن النفقة والرعاية والحماية وستات الأرض كلهم بتحب كده، إنما يحصل إمتى لما يحصل خلاف وتكون عاوزه تمشى اللي في دماغها، وكل ده محتاج لتعديل حتى نصل إلى سعادة الدارين، وأبقى وأنا بشتغل مبسوط، وساعات مش بنكون منصفين".
