مدحت شلبي: الناس زعلوا مني في جملة معلول الشهيرة.. ومحمد العزبي غناها
تحدث الإعلامي مدحت شلبي، عن جملته الشهيرة بعد هدف التونسي علي معلول لاعب النادي الأهلي، في إحدى مباريات القمة بالدوري الممتاز.
تصريحات مدحت شلبي
وقال مدحت شلبي في تصريحات تلفزيونية: البعض يتهمني بالخروج عن النص في البرامج والمباريات، وخرجت عن النص مرة في التعليق في جملة علي معلول، وجبت أغنية لمحمد العزبي فيها نفس الجملة، وتعرضت للإيقاف وقتها قبل نهاية الدوري، ورغم أنها كانت بعفوية إلا أن هناك من حاول استغلالها لافتعال مشكلة.
وأردف مدحت شلبي: اتقطع عني مرة الهوا وأنا بختم برنامجي وسبت القناة كلها بسبب ده، وأنا بحترم الوقت ومن حق أي مدير قناة إنه يحدد الوقت اللازم لكل برنامج.
واختتم مدحت شلبي: حصلت واقعة واحدة مع كريم حسن شحاتة، وفتحت موضوعًا معينًا في آخر الحلقة ومكنتش أقدر أختم الحلقة من غير ما أنهي الموضوع، وأخذت من وقت برنامج كريم حسن شحاتة، واعتذرت له بعدها، ولم أقصد ذلك على الإطلاق، وهو شخصية مميزة وشاطر.
وفي وقت سابق، قال مدحت شلبي في تصريحات تلفزيونية: قولت لبشير التابعي بعد ما احترف إني ما أقصدش حاجة من جملة بيبو وبشير في مباراة الـ 6-1 وهي حاجة طبيعية لأنه بيبو كان معاه الكورة وبشير هو اللي هيقابل.
وأضاف مدحت شلبي: بقول لبشير سامحني ده الموضوع من بداية الألفية والأهلاوية حتى الآن بيغرقوا النت بالجملة دي وبيصطادوا لبعض مقولات من 30 و40 سنة.
