نظر استئناف المتهمين بسرقة مجوهرات الفنانة ميرهان حسين
تعقد محكمة جنح المقطم جلسة النظر في استئناف المتهمين بسرقة الفنانة ميرهان حسين على الحكم الصادر ضدهم.
استئناف المتهمين بسرقة ميرهان حسين على حكم حبسهم
وأصدرت محكمة جنح المقطم المنعقدة بمحكمة جنوب القاهرة بزينهم، في وقت سابق، حكمها على المتهمين بسرقة مجوهرات الفنانة ميرهان حسين، بحبس المتهم الأول سنة وحبس المتهم الثاني 6 أشهر وإحالة المتهم الثالث لمحكمة الأحداث.
وجاءت أقوال المتهم الأول في القضية أمام جهات التحقيقات كالتالي: اسمي أحمد. ا. س. ع 25 سنة عامل ومقيم بالغربية، وأنكر معاونة آخر بسرقة المنقولات المملوكة للمجني عليه والد الفنانة ميرهان حسين.
وأضاف المتهم الأول أمام جهات التحقيقات: اللي حصل إني اشتغلت عند المهندس حسين في شقتين واحدة في الدور الأول والثانية في الدور الثاني علوي، وبعدين خلصت شغل، وكان معايا في الشغل محمد وبعدها خلصنا الشغل اللي كان مطلوب منا وطلبنا حسابنا والمهندس حسين كان سايبلنا حسابنا مع واحد جاره، ولما جاره ده حاسبني قالي أنت لك معايا 5 آلاف جنيه، قولت له تمام مفيش مشكلة هاخدهم وخلي المهندس حسين يجيلي باقي حسابي على إحدى المحافظ الإلكترونية ومفيش مشكلة.
وأكمل المتهم الأول أمام جهات التحقيقات: بعدها البشمهندس حسين كلمني قالي تعالى علشان تاخذ باقي حسابكن قولت له ماشي أنا جايلك، ولما وصلت مكان البيت بتاعه لقيت ناس واقفه ضربتني وشتمتني وقالتلي أن المهندس حسين يتهمني أنا واللي معايا بالسرقة، وبعدها أخدونا، ولما روحت القسم لقيت محمود هناك، وعملولنا محضر وجينا النهاردة.
