أكرم حسني: أنا شخص بحب التنظيم والتخطيط والترتيب
حل الفنان أكرم حسني، ضيفا على برنامج ألبوم صور مع إيناس سلامة الشواف، عبر محطة راديو إنرجي 92.1 في رمضان.
وتحدث أكرم حسني عن والده، مشيرًا إلى أن والده الراحل بمثابة إضاءة له في حياته، موضحا: أبويا الله يرحمه هو الإضاءة في حياتي ولما بعمل حاجة فرحان بيها كان بيبقى نفسي إنه يكون شايفها.
وعن تقليل عدد المحيطين به قال: فيه فلاتر موجودة حوالينا طول الوقت وده بيخلينا نفرز.. في الرحلة بنقلل عدد الناس اللي فاكرينهم صحابنا.
ووصف أكرم حسني نفسه بأنه شخص منظم قائلا: أنا شخص نمطي أوي وبحب التنظيم والتخطيط والترتيب وحياتي مليانة جداول وأرقام وحسابات.. بس التجربة أثبتت إن فيه حاجات كتير الصدف فيها أحلى.
وتابع أكرم حسني: الرأي المطلق دي حاجة مش صح وبالنضج والتفكير والخبرة والممارسة مفيش صح مطلق، والأفكار بتتغير وبنكبر وبننضج ومفيش حاجة ثابتة.
كما تحدث أكرم حسني عن طبيعة التعامل في علاقاته قائلا: فكرة إني أشيل حد من الصورة موجودة، بس أنا بعملها بصعوبة عشان بقول يمكن أنا اللي غلطان.
كما تحدث أكرم حسني عن أهمية الجمهور في طبيعة عمله موضحا: راس مالنا في الشغلانة الجمهور وعيننا على استقبال الناس للشغل عمرنا ما هنقدر نرضي كل الناس.
إلى جانب ذلك تحدث أكرم حسني عن حنينه لذكرياته في الطفولة قائلا: عندي حنين غير طبيعي للأبيض والأسود في الحياة وبعيش مع ذكرياتي وأنا طفل وبحب أتفرج على صورنا العائلية.. وفي أوقات بحب الصور الجماعية ويبقى حواليا ناس كتير وأوقات تانية بحب قعدة البيت لوحدي شوية.
