مي عمر: من حسن حظي إني بشتغل مع محمد سامي في نعمة الأفوكاتو.. ومخفتش من الهجوم
تحدثت الفنانة مي عمر، عن كواليس مشاركتها في مسلسل نعمة الأفوكاتو الذي عرض ضمن الموسم الرمضاني، وانتهى عرضه مؤخرًا، كونه يتكون من 15 حلقة فقط، وردت على انتقادات تعاونها مع زوجها المخرج محمد سامي، حيث تتعاون معه في معظم أعمالها، وذلك خلال تصريحات تلفزيونية.
وعند سؤالها عن تعاونها مجددًا مع محمد سامي رغم الانتقادات التي يتعرضان لها، قالت: محمد سامي مخرج أي حد يتمنى يشتغل معاه، وأنا ومحمد قصة قديمة من زمان قبل ما يخرج، وكنت بشوف هو بيعمل إيه في العمل اللي بيشتغله، وكنت بقول يا بخته ويا حظه اللي بيشتغل معاه، وبقول يا ترى في يوم من الأيام تيجيلي الفرصة إني أعمل عمل ومحمد هو المخرج، وحظي السنة دي أنه هو اللي بيعمل لي العمل.
وأضافت: مخفتش من الهجوم، لكن اللي يهمني هو رد الفعل على العمل، وهل فيه هجوم من الجمهور أم لا، والجمهور بيحب العمل الجيد، والجمهور بالنسبة له، عارفين أننا بنطلع حاجة حلوة اللي بيضايق ناس تانية بيطلعوا الكلام ده، ومش إحنا بس الكابل اللي اشتغل مع بعض واتعرض للانتقادات لكن فيه كتير غيرنا.
وبسؤالها: هل الناس مستكترة عليكي محمد سامي، ردت: تاني هقول مش كل الناس، لكن ناس معينة.
