علي جمعة يحسم الجدل: السرحان لا يبطل الصلاة
أجاب الدكتور علي جمعة، مفتي الديار المصرية السابق، وعضو هيئة كبار العلماء بـ الأزهر الشريف، على سؤال صغيرة نصه: لما أصلي بسرح كتير وانسى عدد الركعات ولا أعرف ماذا أفعل؟
وقال الدكتور علي جمعة، مفتي الديار المصرية السابق، خلال حلقة برنامج نور الدين، اليوم الخميس: سيدنا ابن عباس لما كان بيقرأ (الذين هم عن صلاتهم ساهون)، كان يقول الحمد لله أن الله قال الذين هم عن صلاتهم ساهون، ولم يقل الذين هم في صلاتهم ساهون، اللي هو السرحان اللي بيصيب كل واحد فينا في الصلاة، مؤكدًا أن السرحان في الصلاة يقلل الثواب لكن لا يبطلها.
صغيرة تسأل: بسرح كثير في الصلاة اعمل إيه؟.. علي جمعة يرد
وأضاف: ليس لأحدكم من صلاته إلا ما عقل، يعني تذكر وركز، ولا ينبغي أن أخرج من الصلاة ويجب أن نكملها، وأصلي النوافل والسنن علشان يسندوا شوية في اللى فوتوا على نفسي.. طيب إزاي أعالج السرحان، انظر إلى موطن السجود اللي بيعمل نقطة ارتكاز تساعد المخ على استحضار الحالة.
واختتم: هو إيه اللي بيخليني أسرح، حاجة كده في علم النفس اسمها التكرار والتعود.. الناس بتبقى حافظة الفاتحة فتقولها على طول دون استحضار المعاني، لأني حافظها كويس، ودي نظرية في علم النفس اسمها التكرار، والحل قراءة الكلام كلمة كلمة، والهدوء في التسبيح وكل تسبيحة في نفس.
