علي جمعة: اللي بيقرب من ربنا وقت الأزمات بس ندل
أجاب الدكتور علي جمعة، مفتي الديار المصرية السابق، وعضو هيئة كبار العلماء بـ الأزهر الشريف، على سؤال طفلة مفاداه: كان في حد عنده مشاكل فبدأ يرجع لربنا، وبعد ما مشاكله اتحلت رجع تاني للذنوب والمعاصي، فالسؤال ليه الناس بتعبد ربنا في فترات عدم الاحتياج ايه اللي يخلينا نعبد ربنا ونطيعه؟.
وقال الدكتور علي جمعة، مفتي الديار المصرية السابق، خلال حلقة برنامج "نور الدين"، اليوم الخميس: "ده لأنه ندل، اللي وصفتيه ده ندالة، بما ربنا سبحانه وتعالى يخلق أزمة معينة، أقوم الجأ إليه وأفضل أعيط قوم بعد ما ربنا يفتح عليا معرفوش".
وتابع مفتي الديار المصرية السابق، وعضو هيئة كبار العلماء بـ الأزهر الشريف،: "مرة السيدة عائشة دخلت على سيدنا النبي صلى الله عليه وسلم، وكان مجهد من صلاة قيام الليل، وهر حست انه بذل مجهود فقالت له يا رسول لقد غفر الله من ذنبك ما تقدم وما تأخر، فرد عليها وقال أفلا أكون عبدا شكورا، شوف الوفاء والاخلاق المحترمة مع الله، فالانسان ينسى نعم الله عليه".
علي جمعة: طفل واحد كفاية في ظل فتن السوشيال ميديا
في وقت سابق، أجاب الدكتور علي جمعة على سؤال أحد الحضور جاء نصه: كيف اتعامل مع الطفل مدمن السوشيال ميديا؟
وقال الدكتور علي جمعة، مفتي الديار المصرية السابق، تاخد بالك منه أولا إنه لا يدمن السوشيال ميديا، وبعدين قولنا تنجب طفل واحد كفاية و2 بالعافية، و3 كثير ولن تستطيعوا السيطرة عليهم، حتى يكون ابنك تحت العناية والرقابة الكاملة وفيه حقوق لهذا الطفل، فلازم طفل واحد يكفي في ظل هذه الفتن التي دخلنا فيها.
