بيومي فؤاد عن أزمة مسرحية محمد سلام: اتسرعت وغلطت في الفيديو اللي عملته.. ومستني حقي يجيلي
تحدث الفنان بيومي فؤاد عن عدم وجوده في السباق الرمضاني 2024 غير بمسلسل الكبير 8، وعن أزمته مع المخرجة كاملة أبو ذكري، وحديثه عن السعودية.
وقال بيومي فؤاد في تصريحات تليفزيونية: أنا اترشحت في 6 أعمال في رمضان ومش هقول هما ايه عشان هتبقى قلة أدب.. وبقيت أخاف أزعل حد وبقيت حريص، وفي ناس زعلانه وأنا مكنتش عايز أكون موجود في رمضان كتير عشان مزعلش حد ومضيت مسلسل الكبير حصري وأنا تحت أمر مسلسل الكبير لأنه صاحب الفضل عليا.
وعن حديث كاملة أبو ذكري عنه، أضاف بيومي: معاتبتش كاملة أبو ذكري لأن ده رأيها وهي قررت أنها مش هتشتغل معايا.. أكلمها لما تقولي ايه اللي أنت عملته ده يابيومي؟ وحقي عند ربنا.
واختتم بيومي حديثه: الشيخ الشعراوي قال لما حد يظلمك متاخدش حقك بـ أيدك أقف استمتع وهو ربنا بياخدلك حقك بـ أيدك وأنا مستني حقي.. ومحبش أشوف اللي ظلمني بيتظلم قدام عينيا أنا غلطت واتسرعت في الفيديو اللي أنا عملته بس أنا راجل.
