الفنان عادل الفار: وفاة ابني الوحيد في حادث وجع قلبي.. وكل ما أشوف رسايلي معاه قلبي يتقطع

كشف الفنان عادل الفار تفاصيل رحيل ابنه شادي في حادث قبل عامين، وذلك خلال استضافته بـ برنامج كلم ربنا مع أحمد الخطيب على الراديو 9090.

وقال الفار: غلطة عمري إني زعلت من ابني فترة طويلة وتركته للدنيا وأصدقاء السوء، وهو كان مريض سكر ومات فجأة قبل ما نتصالح وموته قسم ظهري.

ووجه عادل الفار رسالة لكل أب قائلا: بقول لكل أب خد بالك من ابنك عشان عمره ميضيعش منك زي ابني عمره ما ضاع مني في لحظة، صاحب ابنك وقرب منه واعرف دماغه وتفكيره وخليك قريب منه، متابعًا: النهاردة ذكرى وفاة ابني شادي.. وبدعي له ربنا يرحمه ويسامحه وبقول له سامحني يا ابني يا حبيبي على تقصيري معاك، انت غالي عليا ومفتقدك جدا.

الفنان عادل الفار: وفاة ابني الوحيد في حادث وجع قلبي وكل ما أشوف رسايلي معاه قلبي يتقطع

وعن علاقته بربنا قال: في السنين اللى فاتت من حياتي.. بكلم ربنا في كل وقت بدعيه وأرجوه يسامحني ويهديني بعد سنين طوال كنت فيهم بعيد عنه.. والحمد لله على كل نعم ربنا عليا وخصوصا نعمة الهداية.

ويستضيف الكاتب الصحفى أحمد الخطيب رئيس قطاع الثقافة والتراث بالشركة المتحدة، في برنامجه الإذاعي «كلم ربنا» نخبة مميزة من نجوم المجتمع المصري من إعلاميين وكتاب وسياسين ومسئولين وفنانين وقساوسة ودُعاة ونجوم المجتمع.

وانطلق الموسم الخامس من كلم ربنا.. مع أحمد الخطيب مع أول أيام شهر رمضان المبارك 2024.

ويُذاع كلم ربنا على الراديو 9090، في الساعة الخامسة والنصف قبل الإفطار طوال أيام شهر رمضان المبارك.