محمد حماقي: وصيت بعدم زواج بنتي فاطمة إلا بعد وفاتي
حل الفنان محمد حماقي ضيفًا على برنامج Big Time، الذي يقدمه الإعلامي عمرو أديب وخلال لقائه كشف عن تعارفه بزوجته، مؤكدًا وصيته بعدم زواج ابنته غير بعد وفاته، بجانب حديثه عن الصعوبات التي واجهها.
أبرز تصريحات محمد حماقي
-التحديات اللي قابلتني في مشواري إني كنت بدخلها وأنا عندي يقين إني هكسب، معقبًا: طلع عين اللي جابوني في المزيكا واشتغلت في كل حاجة، وكنا بنغني في أفراح وسط السطوح وأخويا لما كان يبقى عنده رحلة في الجامعة كنت باخد الفرقه ونروح نغني ببلاش عشان الناس تسمعنا واتعلمت من ده كله بضمير.
-قولت محدش هيتجوز بنتي غير لما أموت ابقوا جوزوها ولا يمكن أديها لـ راجل وأنا أوحش من عادل إمام في فيلم عريس من جهة أمنية في الحتة دي، وعارف إنه غلط بس أنا هعمل كده.
-فاطمة بنتي أحلى حاجة حصلتلي وكنت بسمع قبل ما أخلف إن أقوى حب هو حب الأب لأولاده بس ماكنتش متخيل الإحساس وهو أقوى من الوصف ودخلت العمليات عند ولادتها وحسيت ساعتها كأنه شريان جديد واتفتح.
-فاطمة بنتي بتقول للناس أنا ببايا حماقي بس بتقول لي بابا وبعد 4 سنين من ولادتها بقت العلاقة قوية بينا وبتلعب كورة وأهلاوية زي بس مش بالعافية.
-اسم حماقي مخوفنيش في انطلاقتي، بالعكس كنت حاسه وكانوا عاوزين يغيروا اسمي في البداية.
-في أنواع في المزيكا مش ذوق مراتي وأنا بفهمها انها أذواق كل الناس وهي ذوقها حلو في المزيكا، ومابيهمنيش رأي المتخخصين قد إنها يكون ذوقها حلو.
-اتعرفت على زوجتي، من خلال حضوري افتتاح خط الأزياء الخاص بها ببيت جدها حسن درة بالزمالك ولما شُفتها حسيت إحساس غريب معقبًا: مكنش إحساس عادي، كان في حته زيادة، اللي هو إيه الناس دي واتعرفت في نفس اليوم على جوز أختها وكلمته هو الأول وقولتله أنا عاوز أعرفها الأول لأن ماينفعش أدخل أكلمها من نفسي.
أعمال محمد حماقي
يذكر أن محمد حماقي، طرح مؤخرا أغنية دلعنا كتير، غير موقع الفيديوهات الشهير يوتيوب، وهي من ألحانه وكلمات أيمن بهجت قمر، توزيع تميم.
