أحمد كمال: بتفرج على أعمالي بعد سنة أو سنتين من عرضها
كشف الفنان أحمد كمال عدم مشاهدته أعماله الفنية إلا بعد عرضها، بجانب حديثه عن طقوسه الرمضانية خلال شهر رمضان، مؤكدًا إن قاعدة القهاوي مهمة للفنان في تخزين الشخصيات.
أحمد كمال: مش بتفرج على أعمالي غير بعد سنتين
وتحدث أحمد كمال في تصريح خاص لـ القاهرة 24: مش بحب أتفرج على أعمالي بعد عرضها، على طول ولو اتفرجت بيكون بعد سنة أو اتنين من العمل، معقبًا: لو اتفرجت بيكون عشان أشوف اتطورت لحد فين، وإيه اللي ممكن يطور فيا لسه.
أحمد كمال: القهوة من الحاجات المهمة للفنان لتخزين الشخصيات
وأضاف أحمد كمال عن طقوسة الرمضانية: عندنا ذكريات من الطفولة ورمضان بتاع الطفولة كان مختلف، وحماسنا باللعب والفوانيس كان حلو، وبقعد أتفرج على ما سبيرو زمان، وبنزل أقعد عالقهوة أشوف الناس في رمضان.. ودا مهم للممثل إنه يشوف ويتفرج، والشارع بنك المممثل، إنه ينزل ويخزن شخصيات، والقهوة في رمضان مهمة جدًا.
وسبق وتحدث الفنان أحمد كمال عن صعوبة مهنة الفن، خلال تصريحاته مع القاهرة 24، قائلًا: شغلانة الفن صعبة علشان بنشتغل في ظروف طقسية صعبة زي العواصف والرياح وبنروح أماكن صعبة جدًا، وظروف الشغل في المسرح بتكون مختلفة أكثر عن الدراما والسينما في الترحال والمناطق المختلفة، فالشعلانة صعبة أوي علشان كده الشركات اللي معندهاش تنظيم مبثقش فيها.
جدير بالذكر أن الفنان أحمد كمال في شارك في مسلسل كامل العدد +1 الذي ضم عددا كبيرا من النجوم، ومن بينها: دينا الشربيني، شريف سلامة، ميمي جمال، إسعاد يونس، صدقي صخر، جيهان الشماشرجي، وعدد آخر من الفنانين، والعمل من تأليف رنا أبو الريس ويسر طاهر وإخراج خالد الحلفاوي.
